Рөстәм Миңнеханов РАНХиГС Попечительләр советы утырышында катнашты

Бүген Татарстан Республикасы Президенты Рөстәм Миңнеханов Россия Федерациясе Президенты каршындагы Россия халык хуҗалыгы һәм дәүләт хезмәте академиясенең (РАНХиГС) Попечительләр советы утырышында катнашты.

Утырыш Россия Президенты Администрациясе Җитәкчесе Антон Вайно рәислегендә узды. Утырыш нәтиҗәләре буенча РАНХиГСны 2030 елга кадәр үстерү программасы хупланды.

«Үсеш программасы нигезендә – Академиянең Россия Федерациясе Президенты формалаштырган милли максатларга ирешүенә керткән өлеше, - дип белдерде РАНХиГС ректоры Владимир Мау. – Халык хакимияте органнары, коммерция һәм коммерциячел булмаган секторлар өчен идарә кадрларын әзерләүнең милли системасын эзлекле рәвештә үстереп, дәүләт идарәсе органнарына фәнни һәм эксперт ярдәмен тәэмин итеп, РАНХиГС милли максатларга ирешүгә, дәүләтебезнең динамик үсешен тәэмин итүгә үз өлешен кертәчәк».

Академияне үстерү программасы 2030 елга кадәр эшләнгән.

Академия федераль, төбәк һәм муниципаль дәрәҗәләрдә дәүләт идарәсе өчен кадрлар әзерләүнең төп үзәге буларак үсешен дәвам итәчәк. Академия ил алдында торган мөһим бурычларны хәл итүгә юнәлдерелгән фәнни-белем бирү экосистемасын формалаштырачак.

Цифрлаштыруга аерым игътибар биреләчәк: Президент академиясендә заманча цифрлы һөнәрләргә өйрәтәчәкләр һәм әзерлекнең барлык юнәлешләрендә цифрлы грамоталылыкны арттыру өчен белем бирү программалары булдырачаклар. Моннан тыш, РАНХиГСта дистанцион укытуның заманча платформасы нигезендә үз цифрлы экосистемасы үсәчәк.

Академиянең Бизнес-белеме Россиядә беренчеләрдән булып AACSB International халыкара аккредитациясе алды, ул Financial Times версиясе буенча Европада иң яхшы 90 Европа ЕМВ программасы исемлегенә керде. Бу юнәлештә хәрәкәт дәвам итәчәк. Чыгарылыш квалификация эше сыйфатында стартапны яклау практикасы да үсеш алачак. Шулай итеп, Академия бизнесның инновацион активлыгын үстерүгә, милли максатка – эшкуалыкны үстерүгә һәм лаеклы, нәтиҗәле хезмәткә этәрүгә ярдәм итәчәк.

РАНХиГСны үстерү программасы өстендә эш аның төбәк структураларының актив катнашында алып барылды. Программада филиал челтәренең бердәм белем бирү һәм цифрлы киңлеген үстерүгә аерым игътибар бирелә.

Белешмә өчен:

РАНХиГС Попечительләр советы составы:

Совет Рәисе

Вайно Антон Эдуардович – Россия Федерациясе Президенты Администрациясе Җитәкчесе

Совет әгъзалары:

Аганбегян Рубен Абелович – «ВЭБ Капитал» ҖЧҖ генераль директоры киңәшчесе

Акимов Максим Алексеевич – «Россия Почтасы» АҖ генераль директоры, идарә рәисе, «Россия Почтасы» АҖ Директорлар советы әгъзасы

Голикова Татьяна Алексеевна – Россия Федерациясе Хөкүмәте Рәисе урынбасары

Горьков Сергей Николаевич – «Росгеология» акционерлык җәмгыяте генераль директоры-идарә рәисе

Комиссаров Алексей Геннадиевич – РАНХиГС проректоры-дәүләт идарәсе югары мәктәбе директоры

Лисин Владимир Сергеевич – «НЛМК» ГАҖ Директорлар советы рәисе

Лихачев Алексей Евгеньевич – «Росатом " атом энергиясе буенча дәүләт корпорациясе генераль директоры»

Макаров Андрей Михайлович – Дәүләт Думасының бюджет һәм салымнар комитеты рәисе

Мантуров Денис Валентинович – Россия Федерациясе Сәнәгать һәм сәүдә министры

Мау Владимир Александрович – Россия Федерациясе Президенты каршындагы Россия халык хуҗалыгы һәм дәүләт хезмәте академиясе ректоры

Рөстәм Нургали улы Миңнеханов – Татарстан Республикасы Президенты

Михайлов Сергей Владимирович – ТАСС генераль директоры

Орешкин Максим Станиславович – Россия Федерациясе Президенты Ярдәмчесе

Толмачев Виктор Александрович – «АКИГ» компанияләр төркеменең Күзәтчелек советы рәисе

Уткин Александр Витальевич – "Cotton Way" компаниясе генераль директоры

Харитонин Виктор Владимирович – «ФАРМСТАНДАРТ» АҖ Директорлар советы рәисе

Федотов Иван Владимирович – Россия Федерациясе Президенты каршындагы Россия халык хуҗалыгы һәм дәүләт хезмәте академиясе проректоры, Попечительләр советының җаваплы секретаре