Татарстанда 32 район сабан культураларын чәчүгә кереште, барлыгы 2,8 млн. гектар

Татарстанда язгы кыр эшләре актив фазага керде. 780 мең га мәйданда (79%) тукландырылган инде, шулардан 502 мең га (92%) – көзге культуралар, 278 мең га (63%) – күпьеллык үләннәр. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы авыл хуҗалыгы һәм азык-төлек министрының беренче урынбасары Наил Залаков хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.

Татарстан Республикасы авыл хуҗалыгы һәм азык-төлек министрының беренче урынбасары аныклап узганча, Зәй районы уҗым культураларын һәм күпьеллык үләннәрне тукландыруны тулысынча төгәлләгән. Шулай ук Нурлат, Алексеевск, Тукай, Баулы, Минзәлә районнары күпьеллык терлек азыгы җирләрен вакытында тукландырганнар. Көзге культураларны тулысынча Сарман, Тәтеш, Азнакай, Түбән Кама районнары тукландырган. Чирмешән һәм Тукай районнары ахырына якынлаша.

Тулаем республика буенча тырмалау (дым каплату) буенча эшләр күләме 3,1 млн. га тәшкил итә, бүгенгә 1515 мең га мәйданда дым каплатылган, ягъни 48% ы (шулардан уҗымнар – 180 мең га (33%), күпьеллык үләннәр – 320 мең га (72%), туңга сөрү һәм пар – 1015 мең га (48%). Тәтеш районында дым каплату буенча зур мәйданнар – 73 мең га, Тукай (70), Нурлат (64), Зәй (62), Алексеевск (57), Чирмешән (56) районнарында эшкәртелгән.

Республикада 32 район сабан культураларын чәчүгә кереште. Язгы чәчү эшләре 128 мең га мәйданда башкарылган, ягъни планның 7%ы үтәлгән. Агымдагы елда Татарстан Республикасы буенча чәчүлекләр мәйданы 2,8 млн. га тәшкил итәчәк, бу узган ел дәрәҗәсендә.

Язгы чәчүне 1,8 млн. га мәйданда башкарасы бар, шулардан бөртекле һәм кузаклы культуралар - 1,1 млн. га, техник культуралар - 344 мең га, азык культуралары – 370 мең га.

Бүгенге көндә бөртеклеләрнең 70%тан артыграгы чәчүлекләрне тикшереп тору системасы һәм ягулык-майлау материалларын тоту нормалары белән комплектланган чәчү комплекслары белән чәчелә. Алар республикада 720 берәмлек.