Рөстәм Миңнеханов Татарстанның Босния һәм Герцеговина белән хезмәттәшлегенең зур мөмкинлеклекләрен билгеләп үтте

Татарстан белән Босния һәм Герцеговина арасындагы хезмәттәшлек зур потенциалга ия, аны тулысынча файдаланырга һәм партнерлыкны киңәйтү өчен яңа перспектив юнәлешләр эзләргә кирәк. Бүген бу хакта Татарстан Республикасы Президенты Рөстәм Миңнеханов Татарстан һәм Босния һәм Герцеговина эшлекле даирәләре катнашында узган түгәрәк өстәл барышында хәбәр итте.

Татарстан Республикасы белән Босния һәм Герцеговина арасында товар әйләнеше узган ел ким дигәндә $9 млн тәшкил иткән һәм үсеш 14,6 тапкыр. Татарстан Президенты Татарстанның нефть химиясе һәм машина төзелеше тармаклары продукциясен китерү, инвестицион һәм инновацион-җитештерү өлкәсендә, югары технологияләр, суднолар төзелеше һәм автомобиль төзелеше, җитештерү процессларын автоматлаштыру, сәламәтлек саклау, медицина продукциясе һәм фармацевтика препаратлары җитештерү, АПК кебек юнәлешләр буенча хезмәттәшлекне киңәйтү өчен потенциалны билгеләп үтте. Шулай ук мәдәният, фән, мәгариф, спорт, туризм өлкәсендә элемтәләрне ныгыту өчен барлык мөмкинлекләр дә бар, диде ул.

"Ышанам ки, визит барышында эшлекле яклар хезмәттәшлек өчен өстәмә юнәлешләр ачарлар һәм яңа проектлар турында килешерләр. Товар әйләнешенең бүгенге күрсәткече күләмнәрен арттыру өчен яңа базарлар һәм элемтәләр кирәклеге турында сөйли", - дип йомгаклады Президент.

Очрашу кысаларында Татарстан Республикасы тәкъдир итүе узды. Республиканың потенциалы турында ТР Инвестицион үсеш агентлыгы җитәкчесе Талия Миңнуллина сөйләде. Моннан тыш, «Россия Вертолетлары» холдингы презентациясе дә булды.