Рөстәм Миңнеханов Россия Икътисадый үсеш министры Максим Решетников белән очрашты

Бүген Мәскәүгә эш сәфәре кысаларында Татарстан Республикасы Президенты Рөстәм Миңнеханов Россия Икътисадый үсеш министры Максим Решетников белән очрашты.

Төбәкнең социаль-икътисадый үсеше мәсьәләләре буенча фикер алыштылар. «Алабуга» һәм «Иннополис» махсус икътисадый зоналары кысаларында төбәктә инвестицион эшчәнлекне үстерү, шулай ук инвестицион проектларга инфраструктура ярдәме турында фикер алышу өчен төп темалар булды. Очрашу кысаларында яклар агломерацияләрне һәм моношәһәрләрне үстерүгә ярдәм итү мәсьәләләре һәм территориаль планлаштыру мәсьәләләре буенча да сөйләштеләр.

Рөстәм Миңнеханов төбәктә инвестицион активлыкны стимуллаштыру өчен ярдәм итүнең федераль инструментларының әһәмиятен, аерым алганда, махсус икътисадый зоналар, индустриаль парклар һәм технопарклар инфраструктурасын булдыру һәм модернизацияләүгә чыгымнарны субсидияләү механизмын (Россия Хөкүмәтенең 1119 нчы карары), шулай ук бюджет кредитларын реструктуризацияләүдән соң тотылмый калган акчалар хисабына яңа инвестицион проектларга инфраструктура ярдәме күрсәтү мөмкинлеген билгеләп үтте (Россия Хөкүмәтенең 1704 нче карары).

2021-2024 елларда Татарстан Республикасы бюджет кредитларын реструктуризацияләү хисабына тотылмый калган акчалар күләме якынча 16,7 млрд. сум тәшкил итәчәк, әлеге акчаларны төбәк инвестицион проектларны гамәлгә ашыру өчен кирәкле инфраструктура объектларын төзүгә юнәлдерергә мөмкин. «Россия Икътисадый үсеш министрлыгы гамәлдәге предприятиеләр тарафыннан Яңа проектларны гамәлгә ашыруга ярдәм итү, шулай ук нефть продуктларын икенчел эшкәртү проектларын кертү өчен инвестицион проектларны сайлап алу критерийларына үзгәрешләр кертү мөмкинлеген караячак», - дип белдерде Максим Решетников.

Исегезгә төшерәбез, хәзерге вакытта Татарстан Республикасы Хөкүмәте тарафыннан 16 инвестицион проект, шул исәптән «Иннополис» МИЗ территориясендә 5 проект һәм «Алабуга» МИЗда 1 яңа проект тәкъдим ителгән. Төбәктә  инфраструктура ярдәме механизмы кысаларында кан плазмасын фракцияләү буенча завод, полимер торбалар җитештерү буенча берничә завод төзү, җитештерү-склад һәм логистика комплексларын һәм башка проектларны төзү һәм үстерү планлаштырыла.