ТР Авыл хуҗалыгы министры Марат Җәббаров: Массакүләм кыр эшләре апрельнең икенче яртысында башланачак

Татарстан Республикасында язгы кыр эшләренә керештеләр. Агымдагы атна башыннан 5 мең га уҗым, 1,5 мең га күпьеллык үләннәр тукландырылды. Кыр эшләрен апрельнең икенче яртысыннан башлау планлаштырыла. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы авыл хуҗалыгы һәм азык-төлек министры Марат Җәббаров хәбәр итте.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә шулай ук Татарстан Республикасы Премьер-министры Алексей Песошин да катнашты.

Татарстан Республикасы Авыл хуҗалыгы һәм азык-төлек министрлыгы башлыгы сүзләренә караганда, уҗымнарның торышы яхшы дип бәяләнә (проблемалы мәйданнар 3% яки 16 мең га).

Марат Җәббаров хәбәр иткәнчә, бүгенге көнгә 181 мең тонна гамәлдәге матдә, ягъни 66,0 кг д. в. / га (плюс 12,8 кг д. в./га, ягъни 2020 елга карата 24%) минераль ашламалар тупланган. Зәй һәм Сарман районнары – 108 кг.в./га, Минзәлә һәм Тәтеш районнары – 106 кг. га җыелган. Әтнә – 89; Тукай – 88; Буа – 87; Мөслим – 82; Нурлат – 80; Балтач – 79; Саба – 77; Аксубай – 76; Чистай – 72 кг. в./га.

Шул ук вакытта Әгерҗе районы нибары 11 кг. в./га, Зеленодольск районы – 39, Әлмәт – 45, Теләче – 46, Чирмешән районы – 47, Лаеш районы 48 кг. в./га гына туплаган.

"70 кг д.в./га минераль ашламалар туплау бурычы барыбыз өчен дә актуаль. Тиешле күләмдә бу эшкә керешмәгән районнардан минераль ашламалар сатып алуга субсидияләрне максималь рәвештә җибәрүегезне сорыйм", - дип мөрәҗәгать итте Татарстан Республикасы Авыл хуҗалыгы һәм азык-төлек министры муниципаль районнар җитәкчеләренә.

Ул шулай ук техниканы язгы кыр эшләренә әзерләү мәсьәләләренә дә тукталды. Шулай итеп, республиканың барлык районнарында машина-трактор паркының язгы кыр эшләренә әзерлеген тикшерү буенча конкурслар узган. Хуҗалыкларда авыл хуҗалыгы машиналарын агрегатлаштыру һәм үзйөрешле техникага һәм тагылмаларга дәүләт техник карау узу төгәлләнгән.

Актаныш, Арча, Әтнә, Балтач, Буа, Сарман, Саба, Зәй, Кукмара, Мамадыш, Тәтеш, Тукай районнары хуҗалыклары яхшы әзерлек күрсәткәннәр.

Аксубай, Әлмәт, Баулы, Лаеш, Питрәч, Менделеевск районнары авыл хуҗалыгы формированиеләренә кыска вакыт эчендә хәлне төзәтергә һәм чәчү һәм туфрак эшкәртү техникасының бөтен комплексын әзерлек сызыгына куярга кирәк.

Валюта курсларына бәяләр арту, шулай ук чит илләрдә короновирус хәле катлаулы булу сәбәпле, авыл хуҗалыгы техникасы базарында металлга кытлык күзәтелә, авыл хуҗалыгы машиналары төзелеше предприятиеләре өчен комплектлау әйберләре китерү вакыты сузыла. Әлеге проблеманы исәпкә алып, февраль һәм март айларында барлык төбәк дилерлары белән очрашулар уздырылган, шуның аркасында республикага авыл хуҗалыгы техникасы белән тәэмин итү вакытын тизләтелгән.

Хуҗалыклар техниканы актив яңарталар. 1 кварталда 4 млрд. сумнан артык суммага 1200 берәмлек техника сатып алынган инде.

Агымдагы елда без яңарту темпларын киметмәскә тиеш. Бурыч – ким дигәндә 450 трактор, 150 ашлык җыю комбайны, 50 терлек азыгы җыю комбайны һәм башка авыл хуҗалыгы техникасы сатып алу, диде министр.

Актаныш, Әтнә, Арча, Балтач, Минзәлә, Саба, Тукай, Тәтеш районнарының гади хуҗалыклары, ел саен 100-150 млн. сумлык техника сатып алып, үзләренең машина-трактор паркларын актив яңарталар.

Марат Җәббаров фикеренчә, чәчү кампаниясенең уңышы турыдан-туры урыннарда эшләрне дөрес оештыруга бәйле. Энергиягә бай тракторларда потенциалны максималь куллану өчен 2 сменалы эш булырга тиеш.

Ул хезмәтне саклау мәсьәләләрен аерым контрольдә тотарга кушты: хезмәткәрләр махсус кием, шәхси саклану чаралары белән тәэмин ителергә һәм тиешле инструктажлар узарга тиеш.

Һава торышы яхшы булганда, техниканың потенциалы ике атна эчендә (100 мең га тәүлек – 1,5 млн. га сабан чәчүе планы) чәчү эшләрен башкарырга мөмкинлек бирә, дип саный министр.

Коронавирус таралуга юл куймау буенча чараларны тәэмин итү вәзгыяте турында сөйләгәндә, Татарстан Республикасы Авыл хуҗалыгы һәм азык-төлек министры түбәндәгеләрне әйтте: агросәнәгать комплексының барлык предприятиеләрендә дә Роспотребнадзорның Татарстан Республикасы буенча, Россия Федерациясе Авыл хуҗалыгы министрлыгы, Татарстан Республикасы Авыл хуҗалыгы һәм азык-төлек министрлыгы тарафыннан тәкъдим ителгән саклык чаралары тайпылышсыз үтәлә. Хезмәткәрләрнең эш урыннарына аерым керү мөмкинлеге билгеләнгән, хезмәткәрләрнең сәламәтлеген мониторинглау буенча чаралар үткәрелә. Барлык оешмалар да шәхси саклану чаралары һәм дезинфекция чаралары белән тәэмин ителгән. «Коронавирус таралу куркынычы шартларында өзлексез эшләүне тәэмин итү өчен АПК оешмалары һәм район сәламәтлек саклау оешмалары җитәкчеләреннән бу юнәлештә уртак эш алып баруларын сорыйм», - диде Марат Җәббаров.