Алексей Песошин Куйбышев тимер юлы коллективы хезмәткәрләрен РЖД челтәр ярышларында җиңүләре белән котлады

ТР Премьер-министры Алексей Песошин бүген видеоэлемтә аша Куйбышев тимер юлы коллективы хезмәткәрләренең РЖД челтәр ярышларында җиңүләренә багышланган тантаналы чарада катнашты.

Алексей Песошин тимер юлчыларны 1 нче урынны яулаулары белән котлады һәм Куйбышев тимер юлының республиканың социаль-икътисади үсешенә зур өлеш кертүен билгеләде.

Куйбышев тимер юлы – “РЖД” ААҖ филиалы тимер юлларының Татарстандагы озынлыгы 849 км. Республика территориясендә 6 тимер юл вокзалы, 65 пассажирлар утырту платформасы һәм Федераль тимер юллар дирекциясенең 4 вокзалы урнашкан.