Рөстәм Миңнеханов СССРның халык артисты Василий Лановойның вафатына бәйле рәвештә кайгы уртаклашу белдерде

Татарстан Республикасы Президенты Рөстәм Миңнеханов СССРның халык артисты Василий Семенович Лановойның вафатына бәйле рәвештә кайгы уртаклашты. Татарстан Республикасы Президенты Евгений Вахтангов исемендәге дәүләт академия театрының сәнгать җитәкчесе Римас Туминаска тиешле телеграмма юллады. Артист бу театрда сәхнәсендә 1957 елдан бирле.

«Хөрмәтле Римас Владимирович! СССРның халык артисты Василий Семенович Лановой вафат булу сәбәпле, тирән кайгыгызны уртаклашабыз һәм сезнең җитәкчелектәге театр коллективы, бөтен Россия җәмәгатьчелеге белән әлеге зур югалту хәсрәтен уртаклашабыз.

Мондый масштабтагы шәхеснең китүе белән килешүе кыен. Василий Семенович илебез театры һәм кинематографы тарихында тулы бер чорның гәүдәләнеше булды. Бөтен ил буенча аның миллионлаган җанатарлары йөрәгендә Василий Ланов иҗат иткән куркусыз Павел Корчагин һәм данлы Иван Варавва, дәртле капитан Грей һәм онытылмас Вронский, мөлаем принц Калаф һәм көчле ихтыярлы Юлий Цезарь образлары яши. Василий Семенович югары сәнгатькә, бөек рус мәдәниятенә, туган Вахтанг театрына, үз таланты белән генә түгел, ә актив гражданлык позициясенә, җәмгыять тормышында актив катнашуына чын күңелдән бирелгәнлек үрнәге булды.

Василий Семеновичның хатыны Ирина Петровна Купченкога, аның улы Александрга татарстанлыларның ихластан кайгыларын уртаклашуын тапшырыугызны сорыйбыз. Бу уникаль артист һәм искиткеч кеше турында якты истәлек, аның Россия театр һәм кино сәнгате хәзинәсенә керткән өлеше өчен рәхмәт сүзләре безнең йөрәкләрдә кала.

Татарстан Республикасы Президенты Р. Н.Миңнеханов.

Василий Лановой 88 нче яшендә вафат булды.