Рөстәм Миңнеханов: Татарстанда Covid-19 белән авыручылар саны тотрыклы кала – 85-95 очрак, вакцинация үткәрелә

Татарстан Республикасында Covid-19 яңа коронавирус йогышы белән авыручылар һәм сәламәтләнүчеләр саны мониторингы алып барыла. Covid-19 белән авыручылар саны көн саен тотрыклы кала – 85-95 очрак. Бүген бу хакта Татарстан Республикасы Президенты Рөстәм Миңнеханов Татарстан Республикасы Хөкүмәте Йортында узган республика киңәшмәсендә хәбәр итте.

Киңәшмә республиканың барлык муниципаль районнары белән видеоконференцэлемтә режимында узды. Киңәшмәдә ТР Премьер-министры Алексей Песошин катнашты.

Рөстәм Миңнеханов искәрткәнчә, хокук саклау хезмәтләренең, Роспотребнадзорның ТР буенча идарәсе, муниципаль берәмлекләр башлыкларының системалы эше санитар-эпидемиологик таләпләрне үтәү шартларында тотрыклылыкны тәэмин итәргә мөмкинлек бирә.

"Роспотребнадзорның барлык таләпләрен үтәү генә шушы бурычларны хәл итәргә һәм тотрыклы вәзгыятьне тәэмин итәргә мөмкинлек бирә, - диде ул. - Бу эшне алга таба да контрольдә тотарга кирәк".

Рөстәм Миңнеханов искәрткәнчә, бүген республикада халыкны Covid-19дан масштаблы вакцинацияләү үткәрелә. Ул хәбәр иткәнчә, республикада 71 пункт ачылган, анда вакцинацина ясатырга мөмкин, һәм пунктлар саны артачак.

22 гыйнварга безнең 13442 вакцина дозасы бар, диде Татарстан Президенты, Covidтан 19 9345 кеше прививка ясаткан. Ул гражданнарга вакцинациядән соң да Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең барлык таләпләрен үтәргә, шәхси саклану чараларын – битлек кияргә кирәклеген аңлату аеруча мөһим, дип искәртте.

"Вакциналар күпләп февраль аенда кайтарылачак, - диде Рөстәм Миңнеханов. - Җитди системалы эш кирәк булачак". Ул муниципалитет башлыкларына мөрәҗәгать итте – урыннарда хезмәт коллективларын, шулай ук 65 яшьтән өлкәнрәкләрне, хроник авырулары булган кешеләрне барыннан да элек вакцинацияләргә кирәк булачак.

Рөстәм Миңнеханов тагын бер кат искә төшергәнчә, Covid-19дан вакцинация түләүсез уздырыла, һәм моңа федераль бюджеттан зур акчалар тотыла.

Ул шулай ук илдә вакцинация үткәрү дәүләт башлыгы – Россия Федерациясе Президенты Владимир Путинның көндәлек контролендә булуын ассызыклады.

Масштаблы вакцинация коллектив иммунитет булдырырга, халыкны яклауны тәэмин итәргә мөмкинлек бирәчәк, дип ассызыклады Рөстәм Миңнеханов.