Казанга Роспотребнадзор башлыгы Анна Попова килде

Бүген кич белән Казанга Кулланучылар хокукларын яклау һәм кешенең уңай тормышы өлкәсендә күзәтчелек буенча федераль хезмәт җитәкчесе - Россия Федерациясенең Баш дәүләт санитар табибы Анна Попова килде.

“Казан” халыкара аэропортында Анна Попованы ТР Премьер-министры Алексей Песошин һәм башка рәсми затлар каршы алды.

Анна Попованың Казанга килүенең төп максаты – Роспотребнадзорның Татарстан Республикасы буенча идарәсе коллегиясе утырышында катнашу (2021 елның 20 гыйнварында булачак).    

Анна Попованың ТР Президенты Рөстәм Миңнеханов белән очрашуы, шулай ук сәламәтлек саклау өлкәсенең берничә объектында булуы көтелә.