Алексей Песошин Чаллыда “КАМАЗ” пресслау-рам заводында булды

Татарстан Республикасы Премьер-министры Алексей Песошин һәм “Ростех” дәүләт корпорациясе генераль директоры, автогигант Директорлар советы рәисе Сергей Чемезов җитәкчелегендәге делегация  Чаллыда “КАМАЗ” пресслау-рам заводында булды.

“КАМАЗ” генераль директоры Сергей Когогин озатуында делегация әгъзалары рам әзерләү линиясен монтажлау барышы белән танышты.

КАМАЗ автозаводында 2017 елдан бирле пресслау-рам заводын модернизацияләү проекты алып барыла, эшләрне 2021 елда тәмамларга планлаштыралар.

Модернизацияләү проекты кысаларында Чаллы автозаводында рамнар әзерләү буенча заманча производство төзелә, аңа өч төп линия керә: лонжероннар әзерләүнең автомат линиясе, лонжерон һәм рам детальләрен буяу линиясе, шулай ук рам җыю конвейеры.

Заманча җиһазлар рамнар сыйфатын сизелерлек яхшыртырга мөмкинлек бирәчәк.