Рөстәм Миңнеханов Казанда Иске обряд тарихы музеенда булды

Казанда Иске обряд тарихы музее ачылды. Беренче булып яңа музейда Татарстан Республикасы Президенты Рөстәм Миңнеханов һәм Рус Православие иске обряд чиркәвенең Мәскәү һәм Бөтен Русь митрополиты Корнилий булдылар.

Музей Россия Иске обряд чиркәвенең Казан-Нократ епархиясе кафедраль соборы бинасында урнашкан. Проектны финанслау берничә чыганактан башкарыла. Татарстан да бу эштә актив катнашты. 2017 елда республика тарафыннан биналарны ремонтлау, җылыту һәм су белән тәэмин итү системаларын монтажлау, янгын сүндерү, видеокүзәтү һәм сигнализация системаларын монтажлау буенча эшләр башкарылган чаралар җәлеп ителде. Узган ел Татарстан экспозицияне төзү, дүрт керү төркемнәрен төзү һәм собор янындагы территорияне төзекләндерү эшләрен төгәлләү өчен өстәмә акча җәлеп итте.

Музей проектын эшләүгә Мәскәү, Санкт-Петербург һәм Казан шәһәрләреннән иң яхшы белгечләр җәлеп ителде. Экспозиция комплексына түбәндәге бүлекләр кертелгән: таркалу тарихы, иске обрядчылыкның иртә тарихы, Казанда Иске обряд чиркәүләренең барлыкка килүе, Иске обрядлы кулъязмалар традициясе, сәүдәгәрләр-иске обрядчылар һәм Казан губернасы меценатлары.

Рөстәм Миңнеханов һәм Митрополит Корнилий музей төзүнең төп этаплары белән таныштылар һәм экспозицияне карадылар. Музей витриналарында иске басма китаплар, сирәк иконалар, көнкүреш әйберләре, шулай ук иске обряд тарихы белән бәйле фоторәсемнәр һәм документлар тәкъдим ителгән.

Чарада шулай ук Татарстан Республикасы Президенты Аппараты Җитәкчесе Әсгать Сәфәров, Казан мэры Илсур Метшин һәм башкалар катнашты.