Татарстан Республикасында бәрәңге, шикәр чөгендере, көнбагыш уңышын җыю дәвам итә

Татарстан Республикасында яшелчә уңышын җыю дәвам итә. Бүгенгә 1,4 мең га, ягъни 58% җыеп алынган. Бу хакта бүген ТР Хөкүмәте Йортында узган республика киңәшмәсендә Татарстан Республикасы Премьер-министры урынбасары – авыл хуҗалыгы һәм азык-төлек министры Марат Җәббаров хәбәр итте.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин катнашты.

Марат Җәббаров хәбәр иткәнчә, рапс җыю дәвам итә: 148 мең тонна суктырылган, уңыш - 14 ц/га. Көнбагышка килгәндә, җыелган мәйдан 38 мең га тәшкил итә, уңдырышлылык 17 ц/га. 65 мең тонна суктырылган.

Республикада 98 мең тонна бәрәңге җыелган,әлеге культураның уртача уңышы - 278 ц/га. 3,6 мең гектарда уңыш җыелган, ягъни мәйданның 87% ында.

Шикәр чөгендерен җыю турында сөйләгәндә, Марат Җәббаров билгеләп үткәнчә, бүген 32 мең гектарга якын, ягъни мәйданның 65% ы җыеп алынган. 1420 мең тонна җыелган, уртача уңдырышлылык - 442 ц/га, Тәтеш, Зәй, Сарман, Түбән Кама, Чүпрәле, Минзәлә, Тукай, Буа һәм Апас районнары - бу культура уңышы буенча лидерлар.

Заводларга 688,8 мең тонна шикәр чөгендере китерелгән, биредә тәүлегенә 14 мең тонна шикәр эшкәртелә. 72,9 мең тонна шикәр комы эшләп чыгарылды. 488,1 мең тонна продукция эшкәртелгән.

Республика кырларында туфракны туңга сөрү дәвам итә. Бүгенге көндә 1,5 млн га (84%) эшкәртелгән. Шул исәптән сөрүлек катламын тирәнәйтүгә – 738 мең га көн саен 1,9 мең агрегат җәлеп ителгән.

Министр шулай ук авыл хуҗалыгы машиналарын кышкы саклауга кую турында сөйләде. Яхшы эш үрнәге итеп ул Балтач районы хуҗалыкларын китерде.