Рөстәм Миңнеханов: Татарстанда 6 меңнән артык яшь гаилә соципотека буенча торак алачак

Татарстанда яшь гаиләләр социаль ипотека буенча торак алачак. Татарстан Республикасы Президенты Рөстәм Миңнеханов кушуы буенча Татарстан Республикасы Министрлар Кабинеты тиешле карарны имзалаган.

Татарстан Республикасы Хөкүмәте йортында узган республика киңәшмәсендә Рөстәм Миңнеханов билгеләп үткәнчә, яшьләр өчен иң кискен проблема – үз тораклары булмау. Яңа ярдәм чарасы 6 меңнән артык яшь гаиләнең торак шартларын яхшыртырга мөмкинлек бирәчәк.  

Татарстан Республикасы Президенты билгеләп үткәнчә, яшьләргә ярдәм иткәндә системалы алым кирәк, бигрәк тә бу катлаулы икътисадый вәзгыятьтә. «Без бу чара ярдәмендә демографик ситуациянең дә яхшыруына һәм республика шәһәрләрендә һәм районнарында яшь белгечләр төпләнеп калуга өмет итәбез», - диде Рөстәм Миңнеханов.