ТР Хөкүмәте Йортында язгы чәчү эшләре барышы һәм районнарның минераль ашламалар белән тәэмин ителүе турында сөйләштеләр

Бүген ТР Хөкүмәте Йортында узган республика киңәшмәсендә ТР авыл хуҗалыгы һәм азык-төлек министры Марат Җәббаров республикада язгы чәчү эшләре барышы турында хәбәр итте. 

Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты. 

«Агымдагы атнада кыр эшләре һава торышына карап алып барылды, - диде Җәббаров. - Районнарда эшләрнең интенсивлыгы узган локаль явым-төшемнәр аркасында төрлечә булды. Гомумән алганда, уҗымнарга зарар килмәде».

Уҗымнарның вегетациясенә кадәр вакытында ашламалар кертелде, аерым гектарларда гына эш дәвам ителә. 

9 апрельдә биофунгицидлар, микроэлементлар һәм үсүгә ярдәм итә торган ашламалар уҗымнарга сибелә. Әле тагын 3-4 кат эшкәртү планлаштырыла. 

Тагын бер әһәмиятле мәсьәлә - орлыклар. Гомумән яхшы якка үгәрешләр бар, шул исәптән бөртеклеләр орлыкларын яңартуда да. Сортларны яңарту эшендә кайбер районнарның активлыгы зур.