Татарстан Президенты РФ Хәрби-сәнәгать комиссиясе коллегиясе рәисенең урынбасары белән очрашты

Бүген Татарстан Републикасы Президенты Рөстәм Миңнеханов РФ Хәрби-сәнәгать комиссиясе коллегиясе рәисенең урынбасары Юрий Михайлов белән очрашты.

Очрашуда республика оборона-сәнәгать комплексы оешмаларының югары технологияле продукция җитештерүне үстерү мәсьәләләре турында сөйләштеләр. 

Очрашу ТР Хөкүмәте Йортында узды. Анда шулай ук ТР Премьер-министры урынбасары - сәнәгать һәм сәүдә министры Альберт Кәримов, «Татнефтехиминвест-холдинг» ААҖ генераль директоры Рафинат Яруллин һәм башкалар катнашты.