8 март Халыкара хатын-кызлар көне алдыннан Татарстан Республикасы Президенты Рөстәм Миңнеханов массакүләм мәгълүмат чаралары хатын-кыз вәкилләре белән очрашты

8 март Халыкара хатын-кызлар көне алдыннан Татарстан Республикасы Президенты Рөстәм Миңнеханов массакүләм мәгълүмат чаралары хатын-кыз вәкилләре белән очрашты.   

Бу очрашулар республикада ел саен уздырыла.  

Рөстәм Миңнеханов, сорауларга җавап биреп, хәбәр иткәнчә, бүген гаилә, аналар һәм балалар темасына аерым игътибар бирелә.  

Республика өчен балалы гаиләләргә ярдәм күрсәтү – мөһим юнәлеш. Ул билгеләп үткәнчә, бүген ул РКСнең Перинаталь үзәгендә булган, анда булачак әниләргә һәм бәбиләргә медицина ярдәме күрсәтү өчен заманча шартлар тудырылган.   

Татарстан Республикасы Президенты Перинаталь үзәктән яңа туган бәбине каршы алуда катнашкан. Бу бәби – Раян исемле малай – Муллаәхмәтовлар гаиләсендә өченче бала.

Рөстәм Миңнеханов искәрткәнчә, Россия Президенты Владимир Путин аналар капиталы программасын киңәйтү турында документ имзалаган. Хәзер аналар капиталын беренче бала туган өчен дә алырга була (466 617 сум).

Балалы гаиләләргә ярдәмнең тагын бер мөһим чарасы – 1-4 сыйныфлар балаларын түләүсез кайнар ризык белән тәэмин итү.

Рөстәм Миңнеханов хәбәр иткәнчә, республикада мәктәп ашханәләрен тулысынча барлау уздырыла. Искәртәбез, Россия Президенты Владимир Путинның Федераль Собраниегә юлламасында 2020 елның 1 сентябреннән башлангыч сыйныфлар укучыларын түләүсез кайнар ризык бирү каралаган иде.    

Татарстан Республикасы Президенты әңгәмәдә журналистларның объектив мәгълүмат бирү ролен ассызыклады – аеруча социаль челтәрләрдә ялган хәбәрләр киң таралган бер чорда.   

«Дөнья бик тиз үзгәрә, бүген контрольсез социаль челтәрләр, төрле фейклар бик зараралы», – диде ул.

Шуңа да бу фонда журналистларның роле арта, диде Рөстәм Миңнеханов. Хакимият бу яктан массакүләм мәгълүмат чараларына истә тота – алар дөрес мәгълүматны халыкка җиткерә алалар.  

Рөстәм Миңнеханов журналистларның күп санлы сорауларына җавап бирде, шул исәптән яңа торак микрорайоннары янында социаль инфраструктура төзү, эш урыннар белән тәэмин итү, авылда гражданнарның тормыш сыйфатын яхшырту турында.   

Татарстан Президенты ассызыклаганча, нәкъ менә хатын-кызлар катлаулы һәм уңайсыз мәсьәләләрне хәл итә алалар.  

Массакүләм мәгълүмат чаралары вәкилләре, Татарстанда хатын-кыз президент була аламы, дип кызыксындылар?

«Минем бу җәһәттән катгый җавабым юк, хатын-кызмы, ир-атмы президент, министр һәм премьер була ала, - диде Рөстәм Миңнеханов. – Әгәр президентка кандидатура хатын-кыз булса, мин аның өчен тавыш бирергә әзер. Иң мөһиме, бу кеше республикабыз өчен файдалы булсын».