Рөстәм Миңнеханов Стратегик үсеш һәм илкүләм проектлар буенча РФ Президенты каршындагы совет президиумы составына керде

Татарстан Республикасы Президенты Рөстәм Миңнеханов Россия Президенты Владимир Путин Указы нигезендә Стратегик үсеш һәм илкүләм проектлар буенча РФ Президенты каршындагы совет президиумы составына керде.

Искәртәбез, 2020 еның 6 февраляендә РФ Президенты Владимир Путин «Стратегик үсеш һәм илкүләм проектлар буенча Россия Федерациясе Президенты каршындагы советының кайбер мәсьәләләре турында» Указга кул куйды (6.02.2020 №98 Указ).

Яңа Указ белән дәүләт башлыгы Совет составын раслады, аңа 38 кеше керде. Совет президиумы рәисе Россия Премьер-министры Михаил Мишустин булды, аның урынбасарлары – беренче вице-премьер Андрей Белоусов һәм РФ Президенты ярдәмчесе Максим Орешкин.

Совет президиумы составына шулай ук Россия Федерациясе Президентының Идел буе федераль округындагы Тулы вәкаләтле вәкиле Игорь Комаров та керде.  

«Түбәндәгеләрне расларга: а) Стратегик үсеш һәм илкүләм проектлар буенча Россия Федерациясе Президенты каршындагы советы составын; б) Стратегик үсеш һәм илкүләм проектлар буенча РФ Президенты каршындагы совет президиумы составын», – диелә Указда.

Совет Стратегик үсеш һәм илкүләм проектларны гамәлгә ашыру эшчәнлеген камииләштерү максатларында төзелгән.