Нью-Йоркта Рөстәм Миңнеханов Берләшкән Милләтләр Оешмасы Генераль секретаре Антониу Гутерриш белән очрашты

Татарстан Республикасы, Россиянең бер төбәге буларак, БМО белән һәм аның махсуслаштырылган учреждениеләре – ЮНЕСКО, ЮНИДО һәм башкалар белән хезмәттәшлеккә зур әһәмият бирә. Бүген бу хакта Татарстан Республикасы Президенты Рөстәм Миңнеханов Берләшкән Милләтләр Оешмасы  Генераль секретаре Антониу Гутерриш белән очрашуда хәбәр итте.  

Очрашу БМОның штаб-квартирасында узды (Нью-Йорк).

Искәртәбез, Рөстәм Миңнехановның АКШка эш сәфәре 2020 елның 2-3 февралендә узачак.

Татарстан Президенты Генераль секретарьга Нью-Йоркта, БМО штаб-квартирасында очрашу, шулай ук  Россия Федерациясенең алга киткән һәм сәнәгать ягыннан үсеш алган бер төбәге буларак – Татарстан Республикасын тәкъдир итү мөмкинлеге өчен рәхмәт әйтте (Искәртәбез, бүген БМО штаб-квартирасында «Россия төбәкләре һәм БМОның тотрыклы үсешенең максатлары» нотыгы тәкъдир ителәчәк). 

Рөстәм Миңнеханов ассызыклаганча, Татарстан Республикасы, Россиянең бер төбәге буларак, БМО белән һәм аның махсуслаштырылган учреждениеләре – ЮНЕСКО, ЮНИДО, ВОЗ һәм башкалар белән хезмәттәшлеккә зур әһәмият бирә.

Очрашу барышында БМО Генераль ассамблеясендә 2015 елның 25 сентябрендә кабул ителгән 17 Тотрыклы үсеш максатларын гамәлгә ашыруга карата конструктив фикер алышынды.