Рөстәм Миңнеханов «Татэнерго» АҖ җитәкчелеге белән очрашу уздырды
29.01.2020Бүген Татарстан Республикасы Президенты Рөстәм Миңнеханов «Татэнерго» АҖ генераль директоры Рәүзәл Хаҗиев белән компаниянең үткән елгы эшчәнлеге йомгаклары һәм 2020 елга планнары турында фикер алышты.
2019 елда компаниянең килере 45,7 млрд сум тәшкил иткән, бу үткән елга карата 8%ка артык. 2020 елда килерне 1%ка арттырырга җыеналар.
2019 елда компаниянең станцияләре эшләп чыгарган электр энергиясе 8%ка арткан. 2019 елда Түбән Кама ГЭСы, 2,27 млрд кВт ч электр энергиясе эшләп чыгарып, рекорд күрсәткечкә ирешкән.
Очрашу Татарстан Республикасы Хөкүмәте йортында узды. Очрашуда Татарстан Республикасы Премьер-министрының беренче урынбасары Рөстәм Нигъмәтуллин, ТР Премьер-министры урынбасары – ТР сәнәгать һәм сәүдә министры Альберт Кәримов, Татарстан Республикасы Президенты ярдәмчесе Альберт Нәфыйгин катнашты.
ТР Президенты Матбугат хезмәте, Булат Низамиев.
Creative Commons Attribution 4.0 International
Хата таптыгызмы? Сүзне яки җөмләне билгеләгез һәм CTRL+ENTER басыгыз