Рөстәм Миңнеханов «World Travel Awards» туризм өлкәсендәге бәйгегә нигез салучы Грэм Кук белән очрашты

Бүген Татарстан Республикасы Президенты Рөстәм Миңнеханов «World Travel Awards» туризм өлкәсендәге бәйгегә нигез салучы Грэм Кук белән очрашты.

Премия сәяхәтләр, туризм һәм кунакчыллык индустриясендәге төп секторларда алдынгыларны билгеләү максатыннан 1993 елда оештырылган. Бүләк туристик кунакханәләр, тористик торак, туристик истәлекле урыннар һәм авиакомпанияләр кебек категорияләрдә тапшырыла.

Рөстәм Миңнеханов һәм Грэм Кук әлеге премияне тапшыру тантанасын Казанда үткәрү мөмкинлеге хакында сөйләштеләр. 

Очрашу ТР Хөкүмәте Йортында узды, анда ТР Президенты ярдәмчесе Олеся Балтусова, Туризм буенча ТР Дәүләт комитеты рәисе Сергей Иванов катнаштылар.