Рөстәм Миңнеханов Россия Баш дәүләт экспертиза идарәсе башлыгы Игорь Манылов белән очрашты

Бүген Татарстан Республикасы Президенты Рөстәм Миңнеханов «Баш дәүләт экспертиза идарәсе» федераль автономияле учреждениесе башлыгы Игорь Манылов белән очрашты. 

Яклар илкүләм проектларны гамәлгә ашыру, республиканың нефть-газ предприятиеләренең эре проектларны гамәлгә ашыру һәм электрон хезмәт күрсәтүләр системасын үстерү турында фикер алыштылар. Очрашуда шулай ук билгеләп үтелгәнчә, төзелештә бәяләр формалашуны камилләштерү эшендә һәм Россия Федерациясе субъектларында төзелеш ресурсларының агымдагы хакы нигезендә индексларны актуальләштерүдә алга китеш бар.

Очрашуда Татарстан Республикасы Премьер-министры урынбасары – Татарстан Республикасы Министрлар Кабинеты Аппараты Җитәкчесе Шамил Гаффаров, Татарстан Республикасы Президенты ярдәмчесе Равиль Зарипов һәм Татарстан Республикасы төзелеш, архитектура һәм ТКХ министры Ирек Фәйзуллин да катнаштылар.  

Казанга эш сәфәре кысаларында Игорь Манылов «Баш дәүләт экспертиза идарәсе» федераль автономияле учреждениесенең Идел буе федераль округы объектлары буенча проектларны планлаштыру һәм проект документациясенә дәүләт экспертизасы уздырудагы төп партнёрлары белән хезмәттәшлек» темасына киңәшмә уздырырга ниятли.