Татарстан Президенты Айдар Сәлимгәрәевны «Татмедиа» агентлыгы җитәкчесе вазыйфасына билгеләп куйды

Татарстан Республикасы Президенты Рөстәм Миңнеханов үзенең Указы белән Сәлимгәрәев Айдар Сәетгәрәй улын «Татмедиа» республика матбугат һәм массакүләм коммуникацияләр агентлыгы җитәкчесе итеп билгеләп куйды. 

Моңарчы Айдар Сәлимгәрәев Татарстан Республикасы Президентының  Мәгълүмат-аналитика идәрәсен җитәкләгән иде. 

Искәртәбез, Айрат Зарипов «Татмедиа» агетлыгы җитәкчесе вазыйфасыннан VI чакырылыш Татарстан Республикасы Дәүләт Советы депутаты итеп сайлануга бәйле рәвештә азат ителгән иде.