Принц Кәрим Ага Хан IV Казанга килде

Бүген Казанга Принц Кәрим Ага Хан IV килде.

“Казан” халыкара аэропортында аны Татарстан Республикасы Дәүләт Киңәшчесе Минтимер Шәймиев каршы алды.

Принц Кәрим Ага Хан IV Татарстанга архитектура өлкәсендә халыкара Ага Хан премиясе җиңүчеләрен бүләкләү өчен килде.

Очрашу чарасында шулай ук ТР Премьер-министры урынбасары Васил Шәйхразиев, ТР мәдәният министры Ирада Әюпова, ТР Президенты Аппараты җитәкчесе урынбасары – ТР Дәүләт Киңәшчесе Секретариаты җитәкчесе Олег Глебов катнашты.