Рөстәм Миңнеханов Түбән Камада «Пионер» индустриаль паркында булды

Бүген Татарстан Республикасы Президенты Рөстәм Миңнеханов Түбән Камага эш сәфәре кысаларында «Пионер» индустриаль паркында булды.

Хәзерге вакытта индустриаль паркның төп резиденты – «Камасталь» рулон корычны буяу заводы.

Индустриаль паркны тәкъдир итү барышында билгеләп үтелгәнчә, бу мәйданчык берничә этапта үстереләчәк. 1 этабы – 2017-2021 еллар, парк  мәйданы 15 мең кв. м., резидент компанияләр саны 5әү, инвестицияләр күләме 1000 млн. сум.  

«Пионер» индустриаль паркының «якорь» резиденты – «Камасталь» компаниясе.

Проект куәте елына кимендә 50 мең тонна буялган калай корыч чыгару, белдерелгән инвестицияләр күләме – 428,7 млн сум. «Камасталь» ҖЧҖнең  99,8%ы Кытайның Шаньдун провинциясеннән «Циндао Бэйцзяэр Инвестирование» компаниясенеке.

Җитештерү техник яктан 2018 елның 31 декабрендә эшләтеп җибәрелгән. «Камасталь» ҖЧҖ «Haier» комапниясенең көнкүреш техникасы корпуслары өчен корыч әзерли.