Владимир Путин Казанга эш сәфәренә килде

Казанга эш сәфәренә Россия Федерациясе Президенты Владимир Путин килде. «Казан» халыкара аэропортында аны Россия Федерациясе Президентының Идел буе федераль округындагы Тулы вәкаләтле вәкиле Игорь Комаров һәм Татарстан Республикасы Президенты Рөстәм Миңнеханов каршы алды.   

Дәүләт Башлыгының эш сәфәренең төп максаты – WorldSkills стандартлары буенча 45 нче һөнәри осталык дөнья чемпионатын ябу тантанасында катнашу.

Халыкара ярышларда катнашучылар алдында чыгыш ясаудан тыш,  Владимир Путин Россия яшь профессионаллары җыелма командасы һәм WorldSkills International президенты Саймон  Бартли белән дә очрашачак.