ТР авыл хуҗалыгы һәм азык-төлек министры Марат Әхмәтов: Татарстанда төп сабан культураларын чәчү тәмамланды диярлек

 Татарстан Республикасында төп сабан культураларын чәчү тәмамланды диярлек. Бу хакта бүген ТР Хөкүмәте Йортында узган республика киңәшмәсендә ТР Премьер-министры урынбасары - авыл хуҗалыгы һәм азык-төлек министры Марат Әхмәтов хәбәр итте. 

Киңәшмәне бөтен муниципаль районнар белән видеоконференция режимында Татарстан Республикасы Президенты Рөстәм Миңнеханов уздырды. Киңәшмә эшендә Татарстан Премьер-министры Алексей Песошин катнашты.

Республикада барлыгы 1,75 млн. гектра чәчелгән (99%), шул исәптән сабан бөртеклеләр 1,0 млн. гектар (99 %). Тагын кукуруза - 21,2 мең гектар, кара бодай - 5,5 мең гектар, бер еллык үләннәр - 5,0 мең гектар, бәрәңге - 1,4 мең гектар, яшелчә - 300 гектар. 

Марат Әхмәтов шулай ук ашламалар кертү турында да хәбәр итте. Министр сүзләренчә, быел былтыргы күрсәткечләрне икеләтә арттыру максаты куелды (2018 елда - 1,3 млн. гектарга ашлама кертелгән). 

Шулай ук министр муниципаль районнарда күп еллык үләннәр хәле турында да хәбәр итте. 

Аннары Марат Әхмәтов кош-корт сатуда ветеринар документалр әһәмиятен ассызыклады. 

Кош гриппы таралмасын өчен Татарстан авыл хуҗалыгы һәм азык-төлек министры Россельхознадзор Идарәсе 1әм Баш ветеринария идарәсе белән махсус билгеләнгән урыннарда кош сатуны оештырды. 

Марат Әхмәтов шулай ук ТР авлы хуҗалыгы предприятиеләрендә эш хакы буенча бурычлар мәсьәләсенә тукталды.