Рөстәм Миңнеханов Россия венчур форумының пленар утырышында катнашты

Бүген Татарстан Республикасы Президенты Рөстәм Миңнеханов Россия венчур форумының пленар утырышында катнашты. Чара "Казан ЭКСПО" халыкара күргәзмә үзәгендә уза. 

Россия венчур форумы - Россия һәм чит илләрдән килгән венчур тармагы вәкилләре өчен дискуссияләр һәм сөйләшүләр үткәрү өчен иң эре халыкара платформа. 

Быел форумда 9 илдән 3 мең делегат катнаша - АКШ, Кытай, Франция,  Япония һәм башка илләрдән. Ярминәкдә катнашуга 7 илдәге 37 шәһәрдән компанияләр теләк белдерде. Оештыручылар сүзенчә, иң популяр юнәлеш - ИТ-платформалар, финанслар өлкәсендә технологияләр. 

Форумда шулай ук Новосибирск өлкәсе губернаторы Андрей Травников, Инновацияләргә ярдәм фонды генераль директоры киңәшчесе Иван Бортник, Европа бизнес-инновацион үзәкләр челтәре генераль директоры Хавьер Эчари, Россия венчур инвестицияләре ассоциациясе башкарма директоры Альбина Никконен катнаштылар.