Бүген Татарстан Премьер-министры Илдар Халиков Финляндия Республикасында эш сәфәрендә. Ул III Россия-Европа инновацион форумы һәм Европа бизнес-инновацион үзәкләр челтәренең XXI еллык конгрессында катнаша.

Чара Лаппеенранта шәһәрендә Лаппеенранта технология университетында уза.

Лаппеенрантада булган вакытта Татарстан делегациясе (аны Илдар Халиков җитәкли) III Россия-Европа инновацион форум ачылышында һәм пленар сессиядә катнашачак.

Татарстан Хөкүмәте башлыгы шулай ук Финляндиянең икътисадый мәсьәләләр буенча министры Юри Хякямиес, Европа бизнес-инновацион үзәкләр челтәре вәкилләре белән очрашулар планлаштырылган.

Татарстан делегациясе әгъзалары өчен Лаппеенранта технология университетының инновацион экосистемасын да тәкъдим итү каралган.

Исегезгә төшерәбез: форум кысаларында Татарстанның күргәзмә экспозициясе дә эшли.