Татарстан Президенты Fortum Финляндия компаниясе җитәкчелеге белән энергетика өлкәсендәге проектлар турында сөйләште

Бүген Татарстан Республикасы Президенты Рөстәм Миңнеханов Хельсинкида SLUSH конференциясе кырларында Fortum компаниясе җитәкчелеге белән очрашты.

Fortum компаниясе электроэнергия җитештерүче әйдәп баручы оешмаларның берсе. Ул углеродсыз энергетика – кояш һәм җил энергетикасын уңышлы файдалана.

Әңгәмә барышында яклар энергетика өлкәсендәге перспективалы проектлар, җил энергетикасы станцияләре үзенчәлекләре турында фикер алыштылар.