Казанга Әстерхан өлкәсе губернаторы вазифаларын вакытлыча башкаручы Сергей Морозов килде

Бүген Казанга Әстерхан өлкәсе губернаторы вазифаларын вакытлыча башкаручы Сергей Морозов килде.

“Казан” халыкара аэропортында Сергей Морозовны Татарстан Республикасы Премьер-министры Алексей Песошин каршы алды.

Казанда Сергей Морозовның эшлекле очрашулары планлаштырылган, шул исәптә Татарстан Президенты Рөстәм Миңнеханов белән рәсми әңгәмә (Казан Кремлендә).

Татарстан һәм Әстерхан өлкәсе арасында сәүдә-икътисади, фәнни-техник, социаль-мәдәни хезмәттәшлек турында килешүләр имзаланыр, дип көтелә.

Моннан тыш, Сергей Морозов ИТ-паркның эше һәм үсеше белән танышачак, кайбер спорт инфраструктураларында, Казанның архитектура-тарихи урыннарында булачак.