Татарстан Республикасы Тарифлар буенча дәүләт комитетына яңа җитәкче тәкъдим ителде

Бүген Татарстан Республикасы Премьер-министры вазифаларын башкаручы Рөстәм Нигъмәтуллин Татарстан Тарифлар буенча дәүләт комитетына яңа җитәкчене - Александр Груничевны тәкъдим итте.

Бу чарада шулай ук Россия Монополиягә каршы федераль хезмәт җитәкчесе урынбасары Андрей Цариковский катнашты.

Татарстан Республикасы Президенты Указы белән Монополиягә каршы федераль хезмәтнең Татарстан буенча идарәсенең элеккеге җитәкчесе Александр Груничев ТР Тарифлар буенча дәүләт комитеты рәисе итеп билгеләнде.

Моңа кадәр ТР Тарифлар буенча дәүләт комитетын җитәкләгән Марат Зарипов, ТР Президенты каршындагы Дәүләт торак фонды директоры итеп билгеләнде.

Рөстәм Нигъмәтуллин Александр Груничев җитәкчелегендә ТР Тарифлар буенча дәүләт комитеты коллективының уңышлы эшенә ышаныч белдерде.