Рөстәм Миңнеханов Goetzpartners компаниясе һәм Deutsche Invest Capital Partners турыдан-туры инвестицияләр фонды вәкилләре белән очрашты

Бүген Татарстан Республикасы Президенты Рөстәм Миңнеханов Goetzpartners компаниясен һәм Deutsche Invest Capital Partners турыдан-туры инвестицияләр фондын гамәлгә куючысы Штефан Гетц белән очрашты.

Очрашу Татарстан Республикасы Хөкүмәте Йортында узды.  

Goetzpartners компаниясе һәм Deutsche Invest Capital Partners турыдан-туры инвестицияләр фонды вәкилләре фонд һәм аның үсеш перспективалары турында сөйләделәр.  

Аннары яклар үзара файдалы хезмәттәшлек мөмкинлекләре турында фикер алыштылар, тулаем инвестицион эшчәнлеккә кагылышлы башка мәсьәләләрне дә кузгаттылар.