Рөстәм Миңнеханов: Түбән Новгород өлкәсе – безнең стратегик партнерыбыз

Бүген Татарстан Республикасы Президенты Рөстәм Миңнеханов яңа сайланган Түбән Новгород Губернаторы Глеб Никитин инаугурациясендә катнашты.   

«Бу Түбән Новгород өлкәсе өчен дә һәм безнең өчен дә әһәмиятле вакыйга. Түбән Новгород өлкәсе – безнең стратегик партнерыбыз, безнең багланышлар, ә безнең багланышлар бик җитди, үсергә тиеш. Глеб Сергеевичны мин шәхсән күптән беләм, аның тәҗрибәсе бик зур һәм, иң мөһиме, ул бик яхшы имтихан тотты – елы буена «вазыйфаларны башкаручы» булып йөрү җиңел түгел. Һәм дөнья чемпионаты, һәм сездә гамәлгә ашырылучы процесслар – без барысын да игътибар белән күзәтеп барабыз, хөрәтле яшь технократлар», – дип мөрәҗәгать итте Татарстан Республикасы Президенты чарада катнашучыларга.   

Шулай ук Рөстәм Миңнеханов яңа сайланган Губернаторга эшләрендә уңышлар теләде. «Кирәк чакта без гел яныгызда булырбыз. Мин чын күңелдән Сезне тәбриклим!» – дип йомгак ясады ул. 

Глеб Никитинның вазыйфасына керешү тантанасы Түбән Новгород ярминкәсенең тугра залында узды.