Татарстан Президенты Казан Кремлендә Tat Cult Fest фестивалендә булды

TAT CULT FEST татар заманча музыкасы фестив бүген Татарстан Республикасы Президенты Рөстәм Миңнеханов булды. Чара Казан Кремле территориясендә оештырылды. 

Фестиваль мәйданын караганда, аңлатмаларны TAT CULT FEST фестивале продюсеры Ильяс Гафаров һәм Бөтендөнья татар яшьләре форумы рәисе Тәбрис Яруллин биреп бардылар. 

Рөстәм Миңнеханов экспозицияләр белән танышты, анда заманча дизайнерлар киеме тәкъдим ителде, аерым алганда, татар милли үрнәкләре кулланылган, кулдан эшләнгән бизәкләр, татар әдәбияты һәм балалар өчен уенчыклар.

Фестивальне оештыручылар ТР Президентына хәбәр иткәнчә, өч көн дәвамында кунакларга арт-объектлар, аудиовизуаль инсталяцияләр, яшь рәссамнар проектлары тәкъдим ителәчәк. Шулай ук казанлыларга дөньяның 20 шәһәреннән татар сәхнәсенең 20 командасы, Россия электрон сәхнәсе вәкилләре, Татарстан, Россия һәм Европаның заманча сәнгате вәкилләре чыгыш ясыячак. Фестиваль 31 августка кадәр дәвам итә.