Рөстәм Миңнеханов Татарстан төзүчеләрен һөнәри бәйрәмнәре белән котлады

Бүген Татарстан Республикасы Президенты Рөстәм Миңнеханов Төзүче көненә багышланган бәйрәм концерты карый. 

Тантана бу минутларда В.И.Ленин ис. Мәдәният йортында уза. Искәртәбез, быел мәдәният йорты бинасына капиталь ремонт ясалды. 

Тантана башланыр алдыннан Рөстәм Миңнеханов бина каршында оештырылган коммуналь һәм төзелеш техникасы күргәзмәсе экспозициясе белән танышты. Соңыннан машиналарны муниципаль берәмлекләргә тапшырачаклар. Быел барлыгы муниципалитетлар 117 берәмлек махсус  техника алачаклар.