Бүген ТР Президенты Рөстәм Миңнеханов җитәкчелегендәге Татарстан Республикасы делегациясе әгъзалары Мәскәү өлкәсендә “Снеж.Ком” тау чаңгысы комлексында булды. Әлеге комплекс 2008 елның мартында ачылган. Комплекс составына тау чаңгысы үзәге, сноу-парк, шугалак, шулай ук фитнес үзәге булган күңел ачу-сәламәтләндерү комплексы керә.

Аннары Рөстәм Миңнеханов һәм аны озатып йөрүче затлар Мәскәү өлкәсе Красногорски шәһәрендә “ТИГИ КНАУФ” заводында булды. Бүген “КНАУФ Гипс” территориясендә 4 линия эшли. 1995 елның апреленнән башлап Красногорскида КНАУФ Уку үзәге эшли, ул Россиядә беренче уку үзәге.