Татарстан Президенты Алтай краена эш сәфәре кыла

Татарстан Республикасы Президенты Рөстәм Миңнеханов Алтай краена эш сәфәре кыла. 

Эш сәфәренең төп максаты –  татар халкының милли бәйрәме Сабантуйда катнашу, бәйрәм бүген «Фирүзә Катунь»  туризм-рекреацион типтагы МИЗ территориясендә узачак. Татарстан Республикасыннан бәйрәмдә Зәй муниципаль районы вәкилләре дә катнашачак. 

Шулай ук Рөстәм Миңнеханов Алтай крае Губернаторы – Хөкүмәте Рәисе вазыйфаларын вакытлыча башкаручы Виктор Томенко һәм Алтай Республикасы Башлыгы – Хөкүмәте Рәисе Александр Бердников белән дә очрашырга ниятли.