Интернетта Татарстан Президенты катнашында узачак "Перезагрузка" бизнес-форумы трансляциясе алып барылачак

Иртәгә, 2018 елның 16 мартында, Казанда Баскет-холлда эшкуарлар өчен белем бирү форумы - "Перезагрузка" уздырылачак. Форум эшендә Татарстан Республикасы Президенты Рөстәм Миңнеханов катнашачак. 

Интернетта 10.30 сәгатьтә башланачак форумны трансляцияләү оештырылачак. 

"Перезагрузка" - эшкуарлык компетенцияләрен үстерү буенча дөньядагы иң эре форум. Ул Россиянең төрле шәһәрләрендә оештырыла. Максат - Россия икътисады һәм бизнесны яңа дәрәҗәгә күтәрү. 

Онлайн-трансляция Татарстан Республикасы Президентының рәсми сайтында һәм түбәндәге сылтама буенча карап булачак - https://www.youtube.com/synergytvru.