Рөстәм Миңнехановка балалар өчен татар телендә белем бирү каналы проектын тәкъдим иттеләр

Бүген Татарстан Республикасы Президенты Рөстәм Миңнехановка балалар өчен татар телендә белем бирү каналы проектын тәкъдим иттеләр.

Тәкъдир итү Татарстан Республикасы Хөкүмәте Йортында узды. 

Проектны «Яңа Гасыр» («ТНВ») телерадиокомпаниясе» ААҖ генераль директоры Илшат Әминов тәкъдим итте.

Балалар өчен татар телендә «Шаян» белем бирү каналының балалар аудиториясе 3 яшьтән башланырга тиеш, мавыктыргыч, күңел ачу, белем бирү бирү программалары булдыру күз алдында тотыла. Канал кысаларында шулай ук татар теленә тәрҗемә ителгән популяр анимация фильмнары трансляцияләнергә мөмкин. 

Тәкъдир итү барышында алып баручылар ролендә балалар үзләре чыгыш ясаган һәм үзләре әзерләгән тапшырулардан өзекләр дә күрсәтеләчәк (белем бирүче, мавыктыргыч тапшырулар, викториналар һәм башкалар), шулай ук мультфильмнардан өзекләр.

Чарада катнашучылар телеканал контенты, трансляция вариантлары турында, шул исәптән кабель ТВ аша трансляцияләү мөмкинлеге турында фикер алыштылар. Проект буенча канал тәүлек буена эшләргә мөмкин. Программалар субтитрлар белән тәэмин ителәчәк дип күзаллана.

Татарстан Республикасы Президенты Рөстәм Миңнеханов билгеләп үткәнчә, балалар өчен татар телендә мондый белем бирү каналына ихтыяҗ бар. Аның фикеренчә, тапшыруларның беренче елында канал тәүлек буена эшләмәсә дә ярый. 

Моннан тыш, Рөстәм Миңнеханов белдергәнчә, балалар өчен белем бирү каналының сыйфатлы контенты вариантлары турында аеруча уйланырга кирәк. «Татар телендә балалар өчен мондый канал булдыру темасы актуаль һәм кирәкле, - диде ул. – Булган тәҗрибәне исәпкә алып, бу мәсьәләне эшләүне дәвам итәргә».

Тәкъдим итүдә ТР Президенты Аппараты Җитәкчесе Әсгать Сәфәров, Татарстан Республикасы Премьер-министры урынбасары – Татарстан Республикасы мәгълүматлаштыру һәм элемтә министры Роман Шәйхетдинов, Татарстан Республикасы мәгариф һәм фән министры Рафис Борһанов, Татарстан Республикасы мәдәният министры Айрат Сибәгатуллин, «Яңа Гасыр» («ТНВ») телерадиокомпаниясе» ААҖ генераль директоры Илшат Әминов, «Татмедиа» матбугат һәм массакүләм коммуникацияләр буенча республика агентлыгы җитәкчесе Айрат Зарипов, К(И)ФУның Югары журналистика һәм медиакоммуникацияләр мәктәбе директоры Леонид Толчинский һәм башкалар катнашты.