ТР Президенты Рөстәм Миңнеханов кайгылы телеграмма юллады

ТР Президенты Рөстәм Миңнеханов Ярославль өлкәсе губернаторы Сергей Вахруковка бүген булган авиаһәлакәт белән бәйле кайгылы телеграмма юллады.

"Һәлак булучылар арасында Россиянең иң яхшы хоккей командаларының берсе, "Локомотив" спортчыларының булуы аеруча аяныч. Бу Россия хоккее, аның җанатарлары өчен бик зур кайгы", - диелә республика башлыгы юллаган телеграммада.