Рөстәм Миңнеханов Әлмәттә буалар шарлавыгында балалар өчен уен мәйданчыгын карап чыкты

Бүген Татарстан Республикасы Президенты Рөстәм Миңнеханов Әлмәттә буалар шарлавыгында балалар өчен уникаль уен мәйданчыгында булды. 

Объект Әлмәтнең үзәгендә Мәрҗани һәм Белоглазов, Нефтьчеләр һәм  Гафиятуллин урамнары арасында урнашкан.

«Буалар шарлавыгының» 2 нче чиратын яңарту эшләре 2017 елның июлендә башланган. Территорияне төзекләндерү максаты – функциональ яктан бай һәм матур архитектур-киңлекләр тирәлеге булдыру.

Проектны гамәлгә ашырганда шәһәр кешеләренең теләкләре дә исәпкә алынган.  

Бүген Рөстәм Миңнеханов яңа объект белән танышты – буалар шарлавыгы районының үсеш өчен потенциалы гаять зур һәм шәһәр кешеләренең яраткан урыны булып тора.    

Объектка балалар өчен аттракционнар, өйрәтү һәм музыка зоналары, зур скейт-парк керә.

Проектның төп элементлары – балалар мәйданчыгы, скейт-мәйданчык, «Нефтяша», «Любовь», «Любимый Альметьевск» оригиналь арт-объектлар,  җәяүлеләр сукмаклары, пирс һәм башкалар.

Балалар мәйданчыгындагы барлык конструкцияләр дә Чехиядә әзерләнгән.