Яңалыклар

03.10.2018

Бүген Мәскәүдә "Россия энергетика атнасы" энергия нәтиҗәлелеге һәм энергетиканы үстерү буенча халыкара форумы кысаларында "Түбән Кама нефть химиясе" ГАҖ 2033 елга кадәр исәпләнгән 240 млн. евролык Ойлер Гермес (Euler Hermes) иминият полисына озак сроклы кредит килешүен имзалады. Кредит линиясе чаралары "Сименс" белән 495 МВт куәтле яңа электр станциясен төзү проектын гамәлгә ашыруны финанслауга юнәлдерелә. Чарада Татарстан Республикасы Президенты Рөстәм Миңнеханов һәм "ТАИФ" ААҖ генераль директоры Альберт Шиһабетдинов катнаштылар. 

03.10.2018

Бүген Татарстан Республикасы Президенты Рөстәм Миңнеханов Мәскәүдә эш сәфәрендә. Визитының төп максаты - "Россия энергетика атнасы" энергия нәтиҗәлелеге һәм энергетиканы үстерү буенча халыкара форумында катнашу.

03.10.2018

ТР Премьер-министры Алексей Песошин бүген “Чистай” өстенлекле социаль-икътисади үсеш территориясендә эшчәнлек алып бару турында килешүләр төзүгә гаризалар карау буенча комиссия утырышын уздырды.

Утырыш ТР Хөкүмәте йортында узды.

02.10.2018

Бүген "Алабуга" махсус икътисади зонасында үсемлекләр өчен субстратлар - туфрак һәм табигый кушылмалар катнашмасы җитештерүче Grodan заводы ачылды. Анда  Татарстан Республикасы Премьер-министры Алексей Песошин, Даниянең Россиядәге илчесе Карстен Сендергорд,  «ROCKWOOL International» өлкән вице-президенты Томас Келлер,  «ROCKWOOL Russia» генераль директоры Марина Потокер катнашты.

02.10.2018

Татарстанда “Өлкәннәрне карау мәктәбе” пилот проекты эшли башлады. Бу хакта бүген ТР Хөкүмәте йортында узган брифингта  Хезмәт, халыкны эш белән тәэмин итү һәм социаль яклау министры Эльмира Зарипова хәбәр итте.

01.10.2018

Бүген Татарстан Республикасы Президенты Рөстәм Миңнеханов Дания Корольлегенең Россия Федерациясендәге Гадәттән тыш һәм Тулы вәкаләтле Илчесе Карстен Сендергорд әфәнде белән очрашты. 

Очрашу Казан Кремлендә узды. Очрашуда Татарстан Республикасы Президентының халыкара мәсьәләләр буенча киңәшчесе Радик Гыйматдинов, Татарстан Республикасы Инвестицион үсеш агентлыгы җитәкчесе Талия Миңнуллина һәм республика министрлыклары һәм ведомстволары вәкилләре катнашты.    

01.10.2018

Бүген Татарстан Республикасы Президенты Рөстәм Миңнеханов Лорд Уэйверли (Бөекбритания) белән очрашты. Очрашу Казан Кремлендә узды. 

Очрашуда яклар Татарстан белән Бөекбритания арасындагы сәүдә-икътисадый хезмәттәшлек мәсьәләләре турында фикер алыштылар. 

01.10.2018

Бүген ТР Премьер-министры Алексей Песошин Гражданнар оборонасы буенча Бөтенроссия тренировкалары башлануга багышланган Гадәттән тыш хәлләр министрлыгы киңәшмәсендә катнашты.

Киңәшмәне видеоконференцэлемтә режимында РФ гражданнар оборонасы, гадәттән тыш хәлләр һәм бәла-казалар нәтиҗәләрен бетерү эшләре буенча министр Евгений Зиничев уздырды. Киңәшмәдә шулай ук Россия Гадәттән тыш министрлыгының ТР буенча идарәсе башлыгы Рафис Хәбибуллин катнашты.

01.10.2018

Бүген Магнитогорскка эш сәфәре ахырында Татарстан Республикасы Президенты Рөстәм Миңнеханов Чиләбе өлкәсе губернаторы Борис Дубровский белән очрашты. Очрашуда төбәкләр арасында хезмәттәшлек мәсьәләләре турында сүз барды. Татарстан Республикасы ягыннан чарада ТР Премьер-министры урынбасары - сәнәгать һәм сәүдә министры Альберт Кәримов, ТР Премьер-министры урынбасары, Бөтендөнья татар конгрессы Милли шурасы рәисе Васил Шәйхразыев, ТР Президентының Тышкы элемтәләр департаменты директоры Эдуард Хәбибуллин, Татарстан Республикасының Свердловск өлкәсендә даими вәкиле Хәйдәр Гыйлфанов, «ПО «Завод им. Серго» АҖ генераль директоры Радик Хәсәнов, Чиләбе өлкәсе татарлары конгрессы рәисе Лена Колесникова һәм башкалар катнашты. 

01.10.2018

Бүген Магнитогорскига эш сәфәре кысаларында  Татарстан Республикасы Президенты Рөстәм Миңнеханов Чиләбе өлкәсенең татар җәмәгатьчелеге активы белән очрашты. Очрашуда шулай ук Чиләбе өлкәсе Губернаторы Борис Дубровский, Магнитогорск шәһәре башлыгы Сергей Бердников, «Магнитогорск металлургия комбинаты» ГАҖ Директорлар советы рәисе Виктор Рашников, Татарстан Республикасы Премьер-министры урынбасары, Бөтендөнья татарлары конгрессының Милли шура рәисе Васил Шәйхеразыев та катнашты.

Битләр: 1 2 3 4 5 6 7 8 ( 9 ) 10 >>