Яңалыклар

11.01.2020

Бүген Татарстан Республикасы Президенты Рөстәм Миңнеханов "Рубин" футбол клубының баш тренеры Леонид Слуцкий белән очрашты.

Очрашу ТР Хөкүмәте Йортында узды. 

Искәртик, Леонид Слуцкий белән контракт биш елга имзаланган. 

11.01.2020

Татарстан Республикасында яңа 2020 елда 50 социаль юнәлешле программа гамәлгә ашырылачак. Бүген бу хакта Татарстан Республикасы Хөкүмәте йортында узган республика киңәшмәсендә хәбәр ителде. 

Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты.   

Республиканың төзелеш тармагы эшчәнлеге турында Татарстан Республикасы төзелеш, архитектура һәм ТКХ министры Ирек Фәйзуллин сөйләде. 

11.01.2020

Татарстан Республикасы авылларында кече хуҗалык формалары үсеше турында ТР Хөкүмәте Йортында бүген узган республика киңәшмәсендә ТР Премьер-министры урынбасары - авлы хуҗалыгы һәм азык-төлек министры Марат Җәббаров хәбәр итте.

Киңәшмәне бөтен муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов үткәрде. Киңәшмә эшендә ТР Премьер-министры Алексей Песошин катнашты.

 

10.01.2020

Татарстан Республикасы Президенты Рөстәм Миңнеханов Татарстан Республикасының Үзбәкстандагы яңа вәкилен билгеләп куйды. Ул – Айдар Әхтәриев, моңарчы ул Татарстан Республикасы Сәнәгать һәм сәүдә министрлыгында халыкара элемтәләр бүлеге башлыгы булып эшләгән.

07.01.2020

Татарстан Республикасы җәмәгатьчелеге зур югалту кичерде. Кичә, 2020 елның 6 гыйнварында, «Татарстан Республикасы Министрлар Кабинеты каршындагы хуҗалык идарәсе» ДБУ директоры Баһавиев Марсель Харис улы вафат 62 нче яшендә булды.

06.01.2020

Православие динендәге хөрмәтле ватандашлар!

Сезне изге Раштуа бәйрәме белән чын йөрәктән котлыйм.

Кырык көнлек Раштуа посты тәмамланды һәм  дөньядагы күпсанлы православие гыйбадәтханәләрендә Христосның тууы уңаеннан  аны олылау тантаналары уздырыла. Элек-электән иң игелекле омтылышлар, матур өметләр белән тулы бу бәйрәмнең колачы киң: аны  яше-карты,  җәмгыятьнең төрле катлау һәм  төрле милләт вәкилләре зурлап билгеләп үтә.

31.12.2019

Татарстан Республикасы Президенты Рөстәм Миңнеханов, күренекле авиаконструктор, Ту-160 тавыш тизлегеннән югарырак тизлек белән оча торган бомбалаучы - ракета йөртүче стратегик самолет ясау эшләре җитәкчесе булган Валентин Близнюк вафат булуы сәбәпле, аның хатыны Людмила Близнюкка кайгы уртаклашу хаты юллады. 

 

31.12.2019

Кадерле татарстанлылар!

Сезне якынлашып килүче Яңа ел белән чын йөрәктән тәбрик итәм.

Сәгать телләре төнге уникегә якынлашканда, без дуслар-туганнар белән бәйрәм өстәле тирәли утырышып, гадәт буенча, узып баручы елның аеруча күренекле вакыйгаларын искә алабыз, киләчәккә ниятләребез, теләк-омтылышларыбыз белән уртаклашабыз.

2019 ел, гомумән алганда, республикабыз өчен бәрәкәтле ел булды. Җитештерүдә һәм инвестицияләр кертүдә яңа юнәлешләр табу, уңайлы яшәү тирәлеге булдыру, заманча торак, мәгариф һәм фән, мәдәният һәм спорт учреждениеләре төзү – болар барысы да уртак тырыш хезмәтебезнең матур нәтиҗәсе.  

Эшче һөнәрләре буенча илкүләм чемпионатта Татарстанның җиңү яулавы һәм башкалабызда «Ворлдскиллс» стандартлары нигезендә һөнәри осталык  буенча 45 нче дөнья чемпионатының тиешле югары дәрәҗәдә уздырылуы республика яшәешенең эшлекле ритмга корылганлыгын ачык күрсәтте. Эшче һөнәрләре елы кысаларында тупланган тәҗрибәбез һәм дөнья беренчелегенә дип җиткерелгән бина-корылмалар безгә икътисад өлкәсендә нәтиҗәле эшләү өчен югары һөнәри осталыкка ирешкән, хезмәттә алдынгылыкны бирми торган, булдыклы кадрлар әзерләү мәйданын байтак киңәйтергә мөмкинлек бирде.

Автомобильләр төзү тармагында әйдәп баручы КАМАЗ предприятиесенең күптән түгел билгеләп үтелгән ярты гасырлык юбилеенда Россия Федерациясе Президенты В.В. Путин заводның һәм тулаем республикабызның үсешенә  югары бәя бирде, бу исә Татарстанның илебез куәтен арттыруга саллы өлеш кертүенә  тагын бер дәлил булды.

Безнең казанышларның ныклы нигезен шулай ук җәмгыять һәм дәүләт арасында үзара файдалы хезмәттәшлек, граждан җәмгыяте институтларын үстерү, тирәнтен уйланылган милли сәясәтне эзлекле рәвештә гамәлгә ашыру, традицион дини берләшмәләр белән нәтиҗәле эшләү тәшкил итте.

Татарстан Республикасы Дәүләт Советы депутатларын сайлау йомгакларын без шулай ук яңарыш, үзгәртеп корулар курсын һәм хакимият органнары эшчәнлеген халыкның хуплавы күрсәткече дип кабул итәбез. Парламентның яңа составы актив төстә законнар чыгару эшчәнлегенә кереште, монда төп максат – халыкның тормышын яхшырту һәм гражданнарның ирекле үсеше өчен шартлар тудыру.

«Безнең ишегалды» дигән яңа проектта татарстанлыларга  уңайлы яшәү тирәлеге булдыру күздә тотыла һәм аны гамәлгә ашыру барышында өч ел эчендә барлык күпфатирлы йортлар ишегаллары төзекләндереләчәк.

Бөек Ватан сугышында Җиңүнең 75 еллыгы уңаеннан илдә игълан ителгән Хәтер һәм дан елында барыбыз өчен дә изге бу бәйрәмгә әзерлектә һәм аны уздыруда татарстанлылар актив катнашыр дип ышанам. Бөек Җиңү, «Беркем дә онытылмады, берни дә онытылмады», – дигән гыйбарә кебек үк, ветераннар белән көндәлек эшебездә һәм яшь буында ватанпәрвәрлек хисе тәрбияләүдә   рухи маягыбыз булырга тиеш.

Туган республикабыз узган шанлы юлның иң әһәмиятле вакыйгалары, ватандашларыбызның аны төзүгә һәм үстерүгә керткән өлеше Татарстан АССРның 100 еллыгын бәйрәм иткәндә игътибар үзәгендә булачак. Киң колачлы зур чаралар бай тарихи һәм мәдәни мирасыбызга, Россия дәүләте белән бербөтенлегебезгә һәм барлык халыклар вәкилләренең  хезмәттәшлегенә нигезләнеп, Татарстанның киләчәк үсешенә этәргеч бирер дип уйлыйбыз.

Республиканың муниципаль берәмлекләре вәкиллекле органнарына депутатлар һәм Татарстан Республикасы Президентын сайлау киләсе елның мөһим иҗтимагый-сәяси вакыйгасы булачак. Бу кампанияләр эшлеклелек шартларында узар, алар турында мәгълүмат ачыктан-ачык халыкка җиткерелер, җирле дәрәҗәдә дә, шулай ук бөтен республика күләмендә дә тормыш шартларын яхшырту өчен җитди тәкъдимнәр кертелер дип уйлыйм.

Сүз дә юк, узып баручы ел безгә зур сөенечләр алып килде, әмма хәл ителәсе мәсьәләләр дә байтак әле. Шулай да, без бергәләп җиңә алмаслык кыенлыклар юк ул. Күтәренке рухыбыз, бердәмлек, якты өметләр һәм үз-үзебезгә ныклы ышанычыбыз Татарстанга туктаусыз алга барырга, яңа юллар һәм  үсеш офыкларын ачарга мөмкинлек бирә.

Кадерле дуслар, шушы алгарыш юлыннан тайпылмыйча, ныклы адымнар белән киләчәккә атлавыбызны, Яңа елда һәр эшебезнең уңышлы булуын телим!  

2020 ел сезгә, гаиләләрегезгә, якыннарыгызга чиксез бәхет-сөенечләр, игелек, иминлек, муллык, сәламәтлек алып килсен!

Яңа ел мөбарәк булсын!

Татарстан Республикасы Президенты Р.Н. Миңнеханов

27.12.2019

Татарстан Республикасы буенча Роспотребнадзор идарәсе тарафыннан сәүдә объектларына 72 тикшерү уздырылган, шулар нәтиҗәсендә 40 төрле тәмәкесез никотинлы продукцияне реализацияләү ачыкланган. Сатудан 12,7 кг куркыныч товар алынган, административ чаралар күрелгән. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы буенча Роспотребнадзор җитәкчесе Марина Патяшина хәбәр итте.

Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты. 

27.12.2019

Татарстан Республикасы буенча «Торак һәм шәһәр тирәлеге» илкүләм проектында 2019 елга торакны гамәлгә кертүнең төп күрсәткече 2 млн. 675 мең квадрат метр итеп билгеләнгән. Бүгенгә Татарстанда 2 млн. 641,5 мең квадрат метр торак файдалануга тапшырылган, бу планның 98,7%ы. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.  

Киңәшмәне республиканың барлык муниципалитетлар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты. 

Битләр: 1 2 3 4 5 ( 6 ) 7 8 9 10 >>