Яңалыклар

17.10.2018

"Имин һәм сыйфатлы юллар" федераль проекты Татарстан Республикасына юл-урам челтәрен норматив хәлгә китерүдә җитди ярдәм булды. Бу хакта бүген Татарстан Республикасы Президенты Рөстәм Миңнеханов «Имин һәм сыйфатлы юллар» темасына Федераль юл агентлыгының ярты еллык фәнни-гамәли конференциясенең пленар утырышында белдерде. 

Чара  "Казан ЭКСПО" мәйданында "Юл 2018" халыкара махсуслаштырылган күргәзмә кысаларында узды. 

Рөстәм Миңнеханов Россия Федерациясе Хөкүмәтенә әлеге проект өчен рәхмәт сүзләрен җиткерде. 

17.10.2018

Бүген Татарстан Республикасы Президенты Рөстәм Миңнеханов «2018 юлы» халыкара махсуслаштырылган күргәзмәсен ачу тантанасында катнашты.

Чара яңа мәйданчыкта – «Казан ЭКСПО» павильоннарының берсендә узды

Чыгышында Россия Президенты ярдәмчесе Игорь Левитин барысын да һөнәри бәйрәмнәре – юллар хуҗалыгы хезмәткәрләре белән котлады.

17.10.2018

Бүген М-7 «Волга» автомобиль юлының Казаннан алып Чаллыга кадәр өч участогы реконструкциядән соң тантаналы рәвештә ачылды. Тантанада  Татарстан Республикасы Президенты Рөстәм Миңнеханов, Россия  Президенты ярдәмчесе Игорь Левитин, Федераль юллар агентлыгы (Росавтодор) җитәкчесе Андрей Костюк һәм башкалар катнашты.

Бу юл участогының гомуми озынлыгы 220 км. М-7 «Волга» трассасы II техник категориядәге нормативлар буенча салынган булган һәм бу еллар эчендә уздыручанлыгы һәм юл хәрәкәте иминлеген тәэмин итү мөмкинлеге тулысынча төгәлләнгән.   

17.10.2018

Бүген Татарстан Республикасы Президенты Рөстәм Миңнеханов Goetzpartners компаниясен һәм Deutsche Invest Capital Partners турыдан-туры инвестицияләр фондын гамәлгә куючысы Штефан Гетц белән очрашты.

Очрашу Татарстан Республикасы Хөкүмәте Йортында узды.  

16.10.2018

Бүген Тунис Хөкүмәте Йортында Татарстан Республикасы Президенты Рөстәм Миңнеханов Тунис Премьер-министры Йосеф Шәхед белән очрашты. Рөстәм Миңнеханов үткән эшлекле форум һәм Татарстанның хәзерге икътисадый хәле турында сөйләде. Шулай ук «Россия – ислам дөньясы» халыкара икътисадый саммиты-«KazanSummit» темасына аерым тукталды, быел аның эшендә Тунисның икътисадый дипломатия мәсьәләләре буенча Дәүләт секретаре Хатем Фәрҗани катнашты.

16.10.2018

Татарстан Республикасы Президенты Рөстәм Миңнехановның Тунис Республикасына эш визиты Тунис сәүдә министры Омар Бехи белән очрашудан башланды. 

"Татарстан Республикасы - Россиянең алдынгы һәм сәнәгый үскән төбәкләренең берсе. Республиканың яртысыннан артыгы мөселманнар. Безнең төбәк Россия Федерациясе белән Тунис Республикасы арасындагы мөнәсәбәтләргә үз өлешен кертә, - диде Рөстәм Миңнеханов. - Без Туниска икътисадый хезмәттәшлекнең яңа мөмкинлекләрен ачыкларга килдек, һәм сезгә эшлекле элемтәләрне киңәйтергә ярдәм итсәгез, рәхмәтле булыр иде. Төньяк Африка һәм Мәгъриб илләрендә республикабызның югары технологияле продукциясе билгеле, бу - "КАМАЗ" йөк машиналары, вертолетлар һәм башкалар", - диде ул министр белән әңгәмә барышында. 

Омар Бехи сүзләренчә, белеме буенча ул - авыл хуҗалыгы инженеры һәм бу вазифага кадәр авыл хуҗалыгы, су ресурслары һәм балыкчылык министрлыгында эшләгән. Рөстәм Миңнеханов җавп итеп билгеләгәнчә, Татарстан - Россиянең җерлекчелек һәм игенчелек өлкәсендә дә алдынгы төбәкләренең берсе. Ул авыл хуҗалыгы һәм азык-төлек өлкәсендә хезмәттәшлекне дә тәкъдим итте. 

Шуннан үзара хезмәттәшлек мөмкинлекләре турында әңгәмәне "Татарстан-Тунис" бизнес-форумы барышында дәвам иттеләр. 

15.10.2018

Бүген кич Татарстан Республикасы Президенты Рөстәм Миңнеханов Турис Республикасына кыска вакытлы эш сәфәренә килде. Тунис халыкара аэропортында аны Тунис сәүдә министры Омар Бехи, Тунис провинциясе губернаторы Шедли Буаллег, Россиянең Туниста илчесе Сергей Николаев каршы алдылар. 

Визиты кысаларында иртәгә Рөстәм Миңнехановның Тунис сәүдә министры Омар Бехи белән очрашуы, "Татарстан-Тунис" эшлекле форумында катнашуы һәм Тунис туризм һәм һөнәрләр министры Сельма Эллуми Рекик белән очрашуы планлаштырыла. 

Көннең икенче яртысында Хөкүмәт Йортында Тунис Премьер-министры Йосыф Шахед белән очрашуы көтелә. Очрашуларда илләр мөнәсәбәтләре кысаларында Татарстан Республикасы белән сәүдә-икътисадый һәм мәдәни багланышлары мөмкинлекләре турында сүз барачак. 

15.10.2018

Татарстан Республикасы Премьер-министры Алексей Песошин бүген Кытайның “Хиквижн” (Hikvision) компаниясе вәкилләре белән очрашты.

Очрашу ТР Хөкүмәте йортында узды.

15.10.2018

Бүген Мисыр Гарәп Республикасына эш сәфәре ахырында Татарстан Республикасы Президенты Рөстәм Миңнеханов Мисыр мәдәният министры Габдел Даим белән очрашты, шулай ук Каһирә опера театрында һәм Милли музеенда булды. 

Рөстәм Миңнехановны Татарстан мәдәният министры Ирада Әюпова озата йөрде. 

15.10.2018

Татарстан Республикасы Президенты Рөстәм Миңнехановның Мисыр Гарәп Республикасына эш сәфәренең икенче көнендә Мисыр Сәүдә-сәнәгать палатасы федерациясе һәм Африка сәүдә-сәнәгать палаталары берлеге рәисе Әхмәт Әл Вакил белән очрашуы узды. 

Яклар үзара хезмәттәшлек юнәлешләре турында сөйләштеләр. Рөстәм Миңнеханов билгеләгәнчә, Мисырда Татарстанның югары технологияле продукциясе билгеле, шулар арасында "КАМАЗ" автомобильләре, Казан вертолетлар заводы продукциясе һәм башкалар. Бүген республика Мисыр белән нефть химиясе һәм машина төзү продукциясен Мисырга экспортлауны киңәйтергә кирәк, шул исәптән суднолар, автомобиль шиналары, компрессорлар, фармацевтика һәм медицина җиһазлары, авыл хуҗалыгы товарлары. Татарстанда исә Мисырдан җиләк-җимешкә, диңгез продуктлары, җиңел сәнәгать продукциясенә ихтыяҗ бар. 

"Россия-Мисыр мөнәсәбәтләре кысаларында Татарстан белән Мисыр арасныда үзара багланышларны киңәйтү мөмкинлеге бар дип ышанам. Безгә сәүдә-сәнәгать палаталарыбыз арасында хезмәттәшлек өлкәсендә мөнәсәбәтләрне активрак үстерергә кирәк. Үзара файдалы хезмәттәшлек үстерүдә сезнең ярдәмегезгә өметләнәбез", - дип билгеләде Татарстан Президенты һәм  Әхмәт Әл Вакил әфәндене Мисыр эшкуарлары белән бергә Татарстанга чакырды. 

Шуннан Татарстан Президенты Мисыр Гарәп Республикасы сәнәгать һәм сәүдә министры урынбасары Әхмәт Антар белән "Татарстан-Мисыр" эшлекле форумын ачты. Рөстәм Миңнеханов Мисыр эшкуарларына Россия һәм Татарстанга карата игътибарлары өчен рәхмәт белдерде һәм 2019 ел язында узачак "Россия - ислам дөньясы: KazanSummit" халыкара икътисадый саммитына чакырды. 

Форум ахырында Татарстан Республикасы сәүдә-сәнәгать палатасы белән Мисыр Гарәп Республикасы сәүдә-сәнәгать палатасы арасында үзара үзара килешкәнлек турында Меморандум имзаланды. 

Битләр: 1 2 ( 3 ) 4 5 6 7 8 9 10 >>