Яңалыклар

24.05.2019

Бүген Иннополис университетында регионнар өчен цифрлы алымнар конкурсының Попечтительләр советы һәм жюри утырышы узды, аны Стратегик инициативалар агентлыгы уздыра. Чарада Россия Хөкүмәте Рәисе урынбасары Максим Акимов, Татарстан Республикасы Президенты Рөстәм Миңнеханов, Стратегик инициативалар агентлыгы генераль директоры Светлана Чупшева, ТР Премьер-министры урынбасары - мәгълүматлаштыру һәм элемтә министры Роман Шәйхетдинов катнаштылар. 

Башта Рөстәм Миңнеханов һәм Максим Акимов Т-500 самолетлары күргәзмәсен карадылар. Күргәзмә Иннополис территориясендә яңа эксперименталь авиация аэродромы төзелешен башлауга багышланган. 

Цифрлы алымнар конкурсы турында Стратегик инициативалар агентлыгы 2019 елның февраль аенда игълан иткән иде. Оештыручылар фикеренчә, мәгълүматлар нигезендә эшләнгән продуктларны булдыру һәм кулланышка кертү регионның социаль-икътисадый үсешенә ярдәм итәчәк. 

Рөстәм Миңнеханов ассызыклаганча, цифрлы алымнар илебез субъектлары проблемалар комплексын хәл итә алуга ярдәм итәчәк. "Конкурс кысаларында берничә актуаль проект эшләнде. Россиянең 43 төбәге алымнарын тәкъдим итте - бу бик позитив эш. Стратегик инициативалар агентлыгына, безнең белән бергә әлеге проектны алып баручы кешеләргә рәхмәт әйтәсем килә. Әлеге эш Иннополиста системалы булыр дип өметләнәм". 

"Болар барысы да безгә, кешеләрнең үз-үзләрен тотышы, компанияләрнең бизнес-модельләре, дәүләт белән идарә итү моделе үзгәргәч кенә, килеп җитә. Уңай үзгәрешләрнең төп факторы - әлеге эшне алып баручы кешеләрнең мавыккан булуы. Ул чакта акча җитмәү дә, ресурслар җитмәү дә бу кешеләрне туктата алмый", - диде РФ вице-премьеры. 

Конкурс нәтиҗәләре турында Стратегик инициативалар агентлыгы генераль директоры Светлана Чупшева хәбәр итте. Барлыгы конкурска 43 РФ субъектыннан 146 гариза килгән. Шулардан экспертлар тавыш бирүенә 19 регионнан 35е тәкъдим ителгән. Икенче этапка 17 регионнан 30 гариза чыккан, шул исәптән Татарстан Республикасы да. 

Светлана Чупшева Стратегик инициативалар агентлыгы нигезендә дата-офис оештыруны тәкъдим итте. Анда регионнар белән элемтәне көйләп, проектларны гамәлгә кертүдә ярдәм күрсәтеләчәк. 

Татарстан Республикасы тәкъдимнәре турында Роман Шәйхетдинов хәбәр итте. Ул Татарстан шәһәрләре һәм районнарында якындагы 10 елда балалар бакчаларына ихтыяҗны фаразлау проектын тәкъдим итте. Анализ зур мәгълхматларга нигезләнгән, алар "Электрон балалар бакчасы" һәм "ЗАГС" республика мәгълүмат системаларында тупланган. 

Чара ахырында конкурсның икенче этабы башлануы турында игълан ителде. 

24.05.2019

«Рәсми Татарстан» сайтында «Яшь профессионаллар (WorldSkills Russia)» VII илкүләм чемпионаты ябу тантанасын турыдан-туры трансляцияләү оештырылачак.

Чарада Россия Федерациясе Мәгариф министры Ольга Васильева, Татарстан Республикасы Президенты Рөстәм Миңнеханов һәм башка рәсми затлар катнашачак.  

24.05.2019

Бүген Россия Федерациясе Хөкүмәте Рәисе урынбасары Максим Акимов Татарстан Республикасына эш сәфәренә килде.

«Казан» аэропортында аны Татарстан Республикасы Президенты Рөстәм Миңнеханов һәм башка рәсми затлар каршы алды.  

Искәртәбез, Татарстанга эш сәфәре кысаларында Россия Федерациясе Хөкүмәте Рәисе урынбасары Иннополис шәһәренә барачак, анда Стратегик инициативалар агентлыгының (АСИ) цифрлы хәл ителешләр конкурсына йомгак ясау тантанасында катнашачак.

24.05.2019

Бүген Татарстан Республикасы Президенты Рөстәм Миңнеханов «Архитектура мирасы 2019» II бөтенроссия фестивале кысаларында уздырылучы күргәзмәдә булды.

Күргәзмә һәм фестиваль Казан Кремле территориясендә 22 майдан 26 майга кадәр бара.

Бөтенроссия фестивален оештыручы –  «Россиия Архитекторлар берлеге» һәм Татарстан Республикасы Хөкүмәте. Татарстан. Темасы: «Тарихи шәһәр: киңлекләрне ачып бирү».

24.05.2019

Бүген Татарстан Республикасы Президенты Рөстәм Миңнеханов Россия Федерациясе Мәгариф министры Ольга Васильева белән очрашты.

Очрашу Казан Кремлендә узды.

23.05.2019

«Татнефтехиминвест-холдинг» ҖЧҖ директорлар советының чираттагы утырышында Татарстан нефть-газ химиясе комплексының 2015-2019 елларда үсеш стартегиясендә башлангыч нәтиҗәләр чыгарылды. 

Утырышны Татарстан Республикасы Президенты Рөстәм Миңнеханов уздырды. Чара ТР Хөкүмәте Йортында узды. 

«Татнефтехиминвест-холдинг» ҖЧҖ генераль директоры Рафинат Яруллин хәбәр иткәнчә, 4 елда Татарстан нефть-газ химиясе комплексы 8 процентка үсеш күрсәтте. Көтелгән үсеш темплары нефть чыгаруда гына артып киткән. 

23.05.2019

Бүген Татарстан Премьер-министры Алексей Песошин Чабаксарда булды. Ул Россия Федерациясенең Идел буе федераль округы төбәкләре һәм Кытай Халык Республикасының Янцзы елгасының Югары, Урта агымнары хезмәттәшлеге советының өченче утырышында (“Идел-Янцзы” форматы) катнашты.

23.05.2019

Бүген Казанда Татарстан Республикасы Президенты Рөстәм Миңнеханов рәислегендә «Татнефтехиминвест-холдинг» ААҖ акционерларының еллык гомуми җыелышы узды. 

Чара Татарстан Республикасы Хөкүмәте йортында узды.

«Татнефтехиминвест-холдинг» ААҖнең 2018 елдагы эшчәнлеге турында холдингның генераль директоры  Рафинат Яруллин чыгыш ясады.

23.05.2019

Бүген Татарстан Республикасы Президенты Рөстәм Миңнеханов ИТ-паркта «Кайнау ноктасы - Казан» инновацион проектын эшләү өчен яңа мәйданчык ачуда катнашты. Чарада РФ Президентының цифрлы һәм технологик үсеш мәсьәләләре буенча махсус вәкиле Дмитрий Песков, ТР вице-премьеры – ТР мәгълүматлаштыру һәм элемтә министры Роман Шәйхетдинов, «ИТ-парк» югары технологияләр өлкәсендә технопарк» ДАУ директоры Антон Грачев, республика министрлыклары һәм ведомстволары вәкилләре катнашты.   

23.05.2019

Бүген ТР Хөкүмәте Йортында Татарстан Республикасы Президенты Рөстәм Миңнеханов «Трансмашхолдинг» ЯАҖ директорлар советы рәисе Андрей Бокарев белән очрашты.

Очрашуда ТР транспорт һәм юл хуҗалыгы министры Ленар Сафин, “Метроэлектротранс” МУП генераль директоры Әсфан Галәвов, Казан Башкарма комитеты җитәкчесе Денис Калинкин катнашты. Видеоконференцэлемтә режимында Түбән Кама муниципаль районы һәм Яр Чаллы шәһәре вәкилләре дә катнашты.

 

Битләр: ( 1 ) 2 3 4 5 6 7 8 9 10 >>