Матбугат хезмәтеннән мәгълүмат

2018
  • 2018
  • 2017
  • 2016
  • 2015
  • 2014
  • 2013
  • 2012
  • 2011
  • 2010
  • 2009
  • 2008
  • 2007
  • 2006
  • 2005
  • 2004
  • 2003
  • 1998
март
  • 1
  • 2
  • 3
  • 4
  • 5
  • 6
  • 7
  • 8
05 март 2018 ел., дүшәмбе

Казанга РФ Президентының ИФОдагы Тулы вәкаләтле вәкиле Михаил Бабич килде

Бүген Россия Федерациясе Президентының Идел буе федераль округындагы Тулы вәкаләтле вәкиле Михаил Бабич Татарстанга эш сәфәренә килде.

«Казан» халыкара аэропортында аны Татарстан Республикасы Президенты Рөстәм Миңнеханов каршы алды.


Рөстәм Миңнеханов "Казаноргсинтез" заводында яңа производство ачуда катнашты

Бүген "Казаноргсинтез" заводында җыңле өч катлы FFS-пленка производствосын ачуда Татарстан Республикасы Президенты Рөстәм Миңнеханов катнашты. Әлеге продукция "Казаноргсинтез"да җитештерелә торган полимерларны тутыру өчен капчыклар ясау өчен кирәк. Яңа линия өчен заводның иске цехы яңартылды һәм заманча җиһазланды. Проектка инвестицияләр күләме - 316 млню сумю Елына 2590 тонна продукция җитештерү планлаштырыла. 


Татарстан Президенты: Спортчыларның һәр җиңүе ил өчен бик мөһим

Бүген Казан Кремлендә Татарстан Республикасы Президенты Рөстәм Миңнеханов Корея Пхенчханындагы XXIII кышкы Олимпия уеннарында катнашкан республика спортчылары белән очрашты.  

Татарстан Республикасы Президенты билгеләп үткәнчә, спортчыларның теләсә-кайсы җиңүе ил өчен бик мөһим. Ул спортчыларны Олимпия уеннарында уңышлы чыгыш ясаулары һәм спорттагы осталыкларын күрсәтүләре белән котлады. 


Татарстан Президенты республиканың дини берләшмәләре лидерлары белән очрашты

Бүген Татарстан Республикасы Президенты Рөстәм Миңнеханов Казан Кремлендә республиканың традицион дини берләшмәләре вәкилләре белән очрашты.  

Очрашуда Татарстан Республикасы Мөселманнары диния нәзарәте рәисе мөфти Камиль хәзрәт Сәмыйгуллин, РПЧнең Татарстан митрополиясе башлыгы Казан һәм Татарстан митрополиты Феофан (Иван Ашурков), Казан һәм Вятка Рус Православие иске обряд чиркәве епискобы Евфимий (Евгений Дубинов), Татарстан Республикасының һәм Казанның баш раввины Ицхак Горелик һәм Рим-католик чиркәвенең Казандагы Воздвижение Святого Креста приходы настоятеле Андрей Старцев катнашты. 


Минтимер Шәймиев Татарстан хатын-кызларын котлады

Бүген Казанның С.Сәйдәшев исемендәге зур концерт залында "Ел хатын-кызы. Ел ир-аты. Хатын-кыз карашы" конкурсы җиңүчеләрен бүләкләү тантанасы узды. Быел җиңүгә 10 номинациядә 700 катнашучы дәгъва кылган. 


Рөстәм Миңнеханов 8 март - халыкара хатын-кызлар көне уңаеннан федераль һәм республика матбугат чаралары вәкилләре белән очрашты

Бүген Татарстан Республикасы Президенты Рөстәм Миңнеханов гадәттәгечә 8 март - халыкара хатын-кызлар көне уңаеннан федераль һәм республика матбугат чараларының хатын-кыз вәкилләре белән очрашты.

Очрашу ТР Хөкүмәте Йортында узды, анда шулай ук ТР Президенты Аппараты җитәкчесе Әсгать Cәфәров, "Татмедиа" Республика матбугат һәм массакүләм коммуникацияләр агентлыгы җитәкчесе Айрат Зарипов катнаштылар. 

Чараны ТР Президенты матбугат хезмәте җитәкчесе Эдуард Хәйруллин алып барды. Ул, аерым алганда, ТР Президенты белән очрашуда катнашкан Алабуга шәһәренең 8 нче номерлы мәктәбе укучылары белән таныштырды - алар "Сигезенче мәктәп" яшүсмер журналистика студиясе активы.

Очрашуда Рөстәм Миңнеханов хатын-кызларны яз бәйрәме белән котлады һәм актуаль сорауларга җавап бирде. 


Рөстәм Миңнеханов ГХФ республика штабы җитәкчеләре белән очрашты

Бүген Татарстан Республикасы Президенты Рөстәм Миңнеханов Гомумроссия халык фронтының (ГХФ) республика штабы җитәкчеләре белән очрашты. 

Татарстан Республикасы Хөкүмәте Йортында узган очрашуда ТР Президенты Аппараты Җитәкчесе Әсгать Сәфәров, «Татарстан Республикасы предприятиеләре һәм сәнәгатьчеләре ассоциациясе» төбәк эш бирүчеләр берләшмәсе президенты Александр Лаврентьев, РФ Президенты вазыйфасына кандидат Владимир Путинның ышанычлы заты, Татарстан Республикасы Иҗтимагый платасы рәисе урынбасары, Алабуга дәүләт тарих-архитектура һәм сәнәгать музей-тыюлыгы генераль директоры Гөлзадә Руденко, В.Г. Тимирясов ис. Казан инновацион университетының беренче проректоры, фәнни эшләр буенча проректоры Игорь Бикеев, ГХФ республика башкарма комитеты җитәкчесе Ринат Фазылов һәм башкалар катнашты. 


Рөстәм Миңнеханов немец сәнәгать компанияләре вәкилләре белән очрашты

Бүген Татарстан Республикасы Президенты Рөстәм Миңнеханов «Falk Beratung GmbH» компаниясе башкарма директоры Томас Фальк җитәкчелегендәге эре немец сәнәгать компанияләре вәкилләре белән компресслар төзү һәм газ-мотор ягулыгы базарын үстерү өлкәсендә хезмәттәшлек перспективалары турында фикер алышты. 

Очрашу Татарстан Республикасы Хөкүмәте Йортында узды, анда шулай ук Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасы Президентының халыкара мәсьәләләр буенча киңәшчесе Радик Гыйматдинов, «Татнефтехиминвест-холдинг» ААҖ генераль директоры Рафинат Яруллин, «Казанькомпрессормаш» АҖ идарәче директоры Илнур Сәгъдиев һәм башкалар катнашты.       


Михаил Бабич Татарстан Республикасына эш сәфәренә киләчәк

Иртәгә, 2018 елның 6 мартында, Россия Федерациясе Президентының Идел буе федераль округындагы Тулы вәкаләтле вәкиле Михаил Бабич Татарстан Республикасына киләчәк.