Матбугат хезмәтеннән мәгълүмат

2018
  • 2018
  • 2017
  • 2016
  • 2015
  • 2014
  • 2013
  • 2012
  • 2011
  • 2010
  • 2009
  • 2008
  • 2007
  • 2006
  • 2005
  • 2004
  • 2003
  • 1998
март
  • 1
  • 2
  • 3
  • 4
  • 5
  • 6
14 март 2018 ел., чәршәмбе

Татарстан Президенты агросәнәгать өлкәсе хезмәткәрләренә яңа автомобильләр тапшырды

Бүген Татарстан Республикасы Президенты Рөстәм Миңнеханов Татарстан Республикасы Министрлар Кабинеты Баш ветеринария идарәсе, Татарстан Республикасы Дәүләт нәсел эше хезмәте һәм Татарстан Республикасы Кулланучылар кооперациясе оешмалары берлеге хезмәткәрләренә яңа автомобильләр тапшырды.


Рөстәм Миңнеханов Казан моторлар төзелеше җитештерү берләшмәсе эшчеләре белән очрашты

Бүген Татарстан Республикасы Президенты Рөстәм Миңнеханов Казан моторлар төзелеше җитештерү берләшмәсендщ булды, анда ул предприятие эшчәнлеге белән танышты һәм завод коллективы белән очрашты. ТР Президенты производство цехын карады һәм җитештерелә торган продукция белән танышты. "КМПО" АҖ генераль директоры Дамир Кәримуллин Рөстәм Миңнехановка заказлар күләмен арттыру планнары һәм заводта гамәлгә ашырыла торган проектлар турында хәбәр итте. 


Татарстан Президенты Казан вертолетлар заводнында яңа производство ачылуда катнашты

Бүген Казан вертолетлар заводында гальваник производство цехы ачылды. Цехны эшләтеп җибәрү чарасында Татарстан Республикасы Президенты Рөстәм Миңнеханов һәм "Россия вертолетлары" холдингы генераль директоры Андрей Богинский катнаштылар. 


Рөстәм Миңнеханов Ислам Бизнесы Халыкара Ассоциациясе делегациясе белән очрашты

Бүген Татарстан Республикасы Президенты Рөстәм Миңнеханов Ислам Бизнесы Халыкара Ассоциациясе президенты Марат Кабаев җитәкчелегендәге делегациясе белән очрашты.

Очрашу Татарстан Республикасы Хөкүмәте Йортында узды. Чарада шулай ук Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасы Премьер-министры урынбасары – Татарстан Республикасы мәгълүматлаштыру һәм элемтә министры Роман Шәйхетдинов, Татарстан Республикасы Президентының халыкара мәсьәләләр буенча киңәшчесе Радик Гыйматдинов, Татарстан Республикасы юллар хуҗалыгы һәм транспорт министры Ленар Сафин, Татарстан Республикасы Инвестицион үсеш агентлыгы җитәкчесе Талия Миңнуллина, «Татнефтехиминвест-холдинг» ААҖ генераль директоры Рафинат Яруллин да катнашты.


Татарстан Президенты чаңгычы Марта Зәйнуллинаны Пхенчханда Паралимпия уеннарында уңышлы чыгышы белән котлады

Татарстан Республикасы Президенты Рөстәм Миңнеханов чаңгычы Марта Зәйнуллина адресына котлау телеграммасы юллады, чаңгычы Пхенчханда Паралимпия уеннарында көмеш һәм бронза медальләр яулады. 

«Хөрмәтле Марта Альфредовна! Татарстан Республикасы халкы һәм шәхсән үз исемемнән Сезне Пхенчханда XII кышкы Паралимпия уеннарында көмеш һәм бронза медальләр яулавыгыз белән котлыйм.