Матбугат хезмәтеннән мәгълүмат

2018
  • 2018
  • 2017
  • 2016
  • 2015
  • 2014
  • 2013
  • 2012
  • 2011
  • 2010
  • 2009
  • 2008
  • 2007
  • 2006
  • 2005
  • 2004
  • 2003
  • 1998
февраль
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
20 февраль 2018 ел., сишәмбе

Татарстан Республикасы белән «Россельхозбанк» АҖ арасында хезмәттәшлек турында килешү имзаланды

Бүген Татарстан Республикасы белән «Россия авыл хуҗалыгы банкы» АҖ («Россельхозбанк») арасында хезмәттәшлек турында килешү имзаланды.

Документка Татарстан Республикасы Президенты Рөстәм Миңнеханов һәм «Россельхозбанк» АҖ идарәсе рәисе Дмитрий Патрушев кул куйды.

Чара Казан Кремлендә узды.

Имза салыр алдыннан Рөстәм Миңнеханов Дмитрий Патрушев җитәкчелегендәге «Россельхозбанк» АҖ җитәкчелеге вәкилләре белән очрашты.


Татарстанда Балигъ булмаганнар белән эшләү һәм аларның хокукларын яклау комиссияләре оешуга 100 ел тулуны билгеләп үттеләр

Балигъ булмаганнар белән эшләү һәм аларның хокукларын яклау комиссияләре оешуга 100 ел тулуга багышланган бәйрәм 2018 елның 19 февралендә узды.

Бу чара “Корстон” комплексы мәйданчыгында булды.

Татарстан Республикасы Президенты исеменнән бәйрәмдә катнашучыларны ТР Президенты Аппараты җитәкчесе Әсгать Сәфәров котлады.


Минтимер Шәймиев ТР Дәүләт Советы утырышында катнашты

Бишенче чакырылыш Татарстан Республикасы Дәүләт Советының утыз бишенче утырышы узды.

Утырышта Татарстан Республикасы Дәүләт Киңәшчесе Минтимер Шәймиев, ТР  Премьер-министры Алексей Песошин, Хөкүмәт әгъзалары һәм чакырылганнар катнашты.

Татарстанның Дәүләт Советы рәисе Фәрит Мөхәммәтшин бүгенге язгы сессия кысаларында хәл ителергә тиешле парламент бурычларын билгеләде.


Түбән Кама муниципаль районы Советы утырышы онлайн режимымда трансляцияләнәчәк

Түбән Кама муниципаль районы Советы утырышы интернетта онлайн режимымда трансляцияләнәчәк.

Чара иртәгә, 21 февральдә, Түбән Кама шәһәрендә булачак һәм 2017 елда Түбән Кама муниципаль районының социаль-икътисадый үсеше йомгакларына багышланачак.


Россия инвестиция форумында Татарстан 15тән артык килешү төзегән

Татарстан Сочида Россия инвестиция форумында 15тән артык килешү имзалаган. Бу хакта бүген Татарстан Министрлар Кабинетында узган брифингта Татарстан Инвестицион үсеш агентлыгы җитәкчесе Талия Миңнуллина сөйләде.

Брифинг ТР Президенты Рөстәм Миңнеханов җитәкчелегендәге Татарстан делегациясенең Сочида Россия инвестицион форумында катнашуы нәтиҗәләренә багышланган иде.

Бу чара гадәттәгечә республиканың барлык муниципаль районнары белән видеоконференцэлемтә режимында узды.


Ләйлә Фазлыева Татарстан Республикасы Премьер-министры урынбасары вазифасына билгеләнде

Бүген бишенче чакырылыш Татарстан Республикасы Дәүләт Советының утыз бишенче утырышында депутатлар ТР Президенты ярдәмчесе Ләйлә Фазлыеваны Татарстан Республикасы Премьер-министры урынбасары итеп билгеләнүен расладылар. 

Искәртик, Татарстан Республикасы Президенты Татарстан Республикасы Министрлар Кабинеты составында тагын бер ТР Премьер-министры урынбасары вазифасын булдыру турында Указ имзалады.