Матбугат хезмәтеннән мәгълүмат

2018
  • 2018
  • 2017
  • 2016
  • 2015
  • 2014
  • 2013
  • 2012
  • 2011
  • 2010
  • 2009
  • 2008
  • 2007
  • 2006
  • 2005
  • 2004
  • 2003
  • 1998
февраль
  • 1
  • 2
  • 3
  • 4
  • 5
  • 6
  • 7
  • 8
14 февраль 2018 ел., чәршәмбе

Рөстәм Миңнеханов Сочида Россия инвестицион форумында катнашачак

Бүген кич Татарстан Республикасы Президенты Рөстәм Миңнеханов Сочига эш сәфәренә килде.   

Эш сәфәренең төп максаты – «Сочи-2018» Россия инвестицион форумы чараларында катнашу (2018 елның 14-16 феврале).

Иртәгә, 15 февральдә, форумның «Төбәкләргә инвестицияләр – киләчәккә инвестицияләр» пленар утырышы узачак, анда Россия Федерациясе Хөкүмәте Рәисе Дмитрий Медведевның да катнашуы көтелә.


Алексей Песошин Казанда янгын сүндерү-гамәли спорт ярышларын башлап җибәрде

Татарстан Республикасы Премьер-министры Алексей Песошин РФ гражданнар оборонасы эшләре, гадәттән тыш хәлләр һәм аларны бетерү министры Кубогына, ТР Премьер-министры Кубогына бөтенроссия ярышлары һәм Бөтенроссия ирекле янгын сүндерү җәмгыятенең янгын сүндерү-коткару спорты буенча Үзәк совет Кубогына Россия Эчке эшләр министрлыгы беренчелеге ачылышы тантанасында катнашты.Татарстан Республикасы Премьер-министры Алексей Песошин РФ гражданнар оборонасы эшләре, гадәттән тыш хәлләр һәм аларны бетерү министры Кубогына, ТР Премьер-министры Кубогына бөтенроссия ярышлары һәм Бөтенроссия ирекле янгын сүндерү җәмгыятенең янгын сүндерү-коткару спорты буенча Үзәк совет Кубогына Россия Эчке эшләр министрлыгы беренчелеге ачылышы тантанасында катнашты.


Алексей Песошин Татарстанның махсус дәүләт стипендиясе лауреатлары белән очрашты

Бүген Татарстан Премьер-министры Алексей Песошин махсус дәүләт стипендиясе лауреатлары белән очрашты. Очрашу Татарстан Республикасы Министрлар Кабинетында узды.


Татарстан Президенты ТР Авыл хуҗалыгы һәм азык-төлек министрлыгы коллегиясендә: Бүгенге көнгә төп бурычыбыз - чәчү кампаниясен уңышлы уздыру

Татарстан Республикасы Президенты Рөстәм Миңнеханов бүген ТР Авыл хуҗалыгы һәм азык-төлек министрлыгы коллегиясенең йомгаклау утырышында катнашты. Чара "Казан ярминкәсе" күргәзмә үзәгендә узды. Утырышта катнашучылар 2017 елда агросәнәгать комплексы эшчәнлегенә нәтиҗәләр чыгарды һәм 2018 елга бурычларны билгеләде. Утырыш эшендә шулай ук ТР Дәүләт Киңәшчесе Минтимер Шәймиев, Татарстан Премьер-министры Алексей Песошин, ТР Премьер-министры урынбасары - авыл хуҗалыгы һәм азык-төлек министры Марат Әхмәтов катнаштылар. 


Минтимер Шәймиев Хәйриячеләр китабының VIII томын һәм “Яңарыш” фондының Рәхмәт хатларын тапшырды

Бүген Казан  Кремлендә гадәттәгечә ел саен уздырыла торган Хәйриячеләр китабын һәм “Яңарыш” фондының Рәхмәт хатларын тапшыру тантанасы узды.

Тантанада Татарстан Республикасы Дәүләт Киңәшчесе Минтимер Шәймиев, ТР Президент Аппараты җитәкчесе Әсгать Сәфәров, ТР Премьер-министры урынбасары - ТР Министрлар Кабинеты Аппараты җитәкчесе Шамил Гафаров, ТР Дәүләт Советы рәисе урынбасары, “Яңарыш” фондының административ совет җитәкчесе Юрий Камалтынов һәм башка рәсми затлар катнашты.


Минтимер Шәймиев ТР Авыл хуҗалыгы һәм азык-төлек министрлыгы коллегиясенең йомгаклау утырышында катнашты

Бүген "Казан ярминкәсе" күргәзмә үзәгендә ТР Авыл хуҗалыгы һәм азык-төлек министрлыгы коллегиясенең йомгаклау утырышы узды, анда 2017 елда агросәнәгать комплексы эшчәнлегенә нәтиҗәләр чыгарылды һәм 2018 елга бурычлар билгеләнде.

Утырышта  Татарстан Республикасы Президенты Рөстәм Миңнеханов, ТР Дәүләт Киңәшчесе Минтимер Шәймиев, Татарстан Премьер-министры Алексей Песошин, ТР Премьер-министры урынбасары - авыл хуҗалыгы һәм азык-төлек министры Марат Әхмәтов катнашты. 


Рөстәм Миңнеханов «Ак Барс» хоккей клубының тренерлар штабы һәм хоккейчылары белән очрашты

Бүген Татарстан Республикасы Президенты Рөстәм Миңнеханов «Ак Барс» хоккей клубының тренерлар штабы һәм хоккейчылары белән очрашты.  Традицион очрашу клубның Казандагы спорт базасында узды. Очрашуда Татарстан Республикасы яшьләр эшләре һәм спорт министры Владимир Леонов, «Ак Барс» ХК президенты, «Татнефть» ГАҖ генераль директоры Наил Маһанов, «СКП «Татнефть – Ак Барс» ҖЧҖ директоры Шамил Хөснетдинов һәм «Ак Барс» генераль менеджеры Рафик Якубов та катнашты.


Рөстәм Миңнеханов Казан сәнәгать училищесы бинасын ремонтларга кушты

Татарстан Республикасы Президенты Рөстәм Миңнеханов Татарстан Хөкүмәтенә Казандагы берничә мәдәни объектка комплекслы капиталь ремонт ясау программасын әзерләргә йөкләмә бирде. 

Шуларның берсе – Фешин исемендәге Казан сәнәгать училищесы. Рөстәм Миңнеханов ассызыклаганча, сәнәгать училищесы бинасы – Казан өчен уникаль архитектура һәм тарихи объект. Объектка ремонт уку процессы туктатылмыйча башкарылачак. 


Алексей Песошин ТР Сәламәтлек саклау министрлыгы коллективына яңа җитәкчене тәкъдим итте

Бүген Татарстан Республикасы Президенты Рөстәм Миңнеханов Указы белән ТР сәламәтлек саклау министры вазыйфасына Садыйков Марат Наил улы билгеләнде. Элек ул Казанның 7нче шәһәр клиник хастаханәсе баш табибы вазифасын били иде. 


ТР Президенты Указы белән яңа ТР сәламәтлек саклау министры билгеләп куелды

Татарстан Республикасы Президенты Рөстәм Миңнеханов бүген берничә указ имзалады.  

2018 елның 14 февралендәге № ПУ-166 Указы белән Вафин Гадел Юныс улы, башка эшкә күчүе сәбәпле, Татарстан Республикасы сәламәтлек саклау министры вазыйфасыннан азат ителде.