Матбугат хезмәтеннән мәгълүмат

2017
  • 2024
  • 2023
  • 2022
  • 2021
  • 2020
  • 2019
  • 2018
  • 2017
  • 2016
  • 2015
  • 2014
  • 2013
  • 2012
  • 2011
  • 2010
  • 2009
  • 2008
  • 2007
  • 2006
  • 2005
  • 2004
  • 2003
  • 1998
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
21 2017 ел., дүшәмбе

Ирина Бокова Минтимер Шәймиевне ЮНЕСКОның мәдәниятләр арасында диалогны ныгыту буенча махсус илчесе дип игълан итте

ЮНЕСКО генераль директоры Ирина Бокова Зөя утрау-шәһәрендәге Успение соборы һәм монастырен ЮНЕСКО Бөтендөнья мирас исемлегенә кертү турында сертификат тапшыру тантанасында Татарстанның Дәүләт Киңәшчесе, тарихи һәм мәдәни ядкәрләрне торгызу буенча "Яңарыш" республика фонды попечительләр советы рәисе Минтимер Шәймиевкә ЮНЕСКОның мәдәниятләр арасында диалогны ныгыту буенча махсус илчесе исемен бирү турында хәбәр итте.


Казанда Успение соборын һәм Зөя утрау-шәһәре монастырен ЮНЕСКО исемлегенә кертү турында сертификат тапшыру тантанасы узды

Казанда, “Пирамида” мәдәни-күңел ачу комплексында Успение соборын һәм Зөя утрау-шәһәре монастырен ЮНЕСКО исемлегенә кертү турында сертификат тапшыру тантанасы узды.

Анда ЮНЕСКО генераль директоры Ирина Бокова, Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе  Минтимер Шәймиев, Татарстан Республикасы Дәүләт Советы рәисе Фәрит Мөхәммәтшин, ЮНЕСКО эшләре буенча РФ комиссиясе җаваплы секретаре Григорий Орджоникидзе, РФ Тышкы эшләр министрлыгының махсус йөкләмәләр буенча илчесе Элеонора Митрофанова, Россия Тышкы эшләр министрлыгы вәкилләре, республика министрлыклары һәм ведомстволары җитәкчеләре, муниципаль берәмлекләре башлыклары катнашты.  


Рөстәм Миңнеханов: Успенье соборын һәм Свияжск утрау-шәһәре монастырен ЮНЕСКО исемлегенә кертү православие изге урыннарының бөтендөнья кыйммәтен раслый

Без Татарстанның уникаль тарихи объектларының киләчәктә сакланышы өчен ЮНЕСКО алдындагы гаять зур җаваплылыгыбызны аңлыйбыз. Бүген бу хакта Татарстан Республикасы Президенты Рөстәм Миңнеханов Успенье соборын һәм Свияжск утрау-шәһәре монастырен ЮНЕСКО Бөтендөнья мирасы исемлегенә кертү уңаеннан уздырылган тантанада хәбәр итте.

Чара Казанда «Пирамида» КСКда узды. Тантанада ЮНЕСКО Генераль директоры Ирина Бокова, Татарстан Республикасы Дәүләт Киңәшчесе  Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Россия Тышкы эшләр министрлыгы вәкилләре, республика министрлыклары һәм ведомстволары җитәкчеләре, муниципаль берәмлекләре башлыклары катнашты.  


Рөстәм Миңнеханов Казан Кремлендә ЮНЕСКО Генераль директоры Ирина Бокова белән очрашты

Бүген Татарстан Республикасы Президенты Рөстәм Миңнеханов ЮНЕСКО Генераль директоры Ирина Бокова белән очрашты. 

Татарстан Республикасы Президентының Казан Кремлендәге резиденциясендә узган чарада Татарстан Республикасы Дәүләт Киңәшчесе  Минтимер Шәймиев, Россия Федерациясе Тышкы эшләр министрлыгының Халыкара мөнәсәбәтләр департаменты директоры урынбасары, ЮНЕСКО эшләре буенча Россия Федерациясе комиссиясе җаваплы секретаре Григорий Орджоникидзе, Россия Федерациясе Тышкы эшләр министрлыгының махсус йөкләмәләр буенча илчесе Элеонора Митрофанова, «Татарстан Республикасы тарих һәм мәдәният һәйкәлләрен торгызуның республика фонды» КБАО башкарма директоры Татьяна Ларионова һәм башкалар катнашты.


Ирина Бокова һәм Минтимер Шәймиев В.П.Энгельгард исемендәге астрономия обсерваториясендә булды

Бүген ЮНЕСКО генераль директоры Ирина Бокова һәм Татарстан Республикасы Дәүләт Киңәшчесе, “Яңарыш” республика фондының Попечительлек советы рәисе Минтимер Шәймиев Зөя утрау-шәһәрлегендә булганнан соң, КФУның В.П.Энгельгард исемендәге астрономия обсерваториясе территориясендәге объектларны карады.  

Аларны “Роскосмос” дәүләт корпорациясе генераль директоры урынбасары Сергей Савельев, ЮНЕСКО эшләре буенча РФ комиссиясе җаваплы секретаре Григорий Орджоникидзе, РФ Тышкы эшләр министрлыгының махсус йөкләмәләр буенча илчесе Элеонора Митрофанова, ТР Дәүләт Советы рәисе урынбасары, “Яңарыш” фонды башкарма директоры Татьяна Ларионова, Яшел Үзән районы башлыгы Александр Тыгин озата йөрде.


Зөядәге Успение монастыре диварында ЮНЕСКО символикасы барлыкка килде

ЮНЕСКО тарафыннан сакланучы Бөтендөнья мирас объектлары исемлегенә керүне күрсәткән символика бүген Зөя утрау-шәһәрчегендә урнашкан Успение ирләр монастыре диварында да пәйда булды.

Тантаналы чарада ЮНЕСКО генераль директоры Ирина Бокова, Россия мәдәният министры Владимир Мединский, Татарстан Дәүләт Киңәшчесе, "Яңарыш" республика фонды рәисе Минтимер Шәймиев, Казан һәм Татарстан митрополиты Феофан катнашты.


Рөстәм Миңнеханов һәм Россия Федерациясе Мәдәният министры Владимир Мединский Свияжск утрау-шәһәрендә туризмны үстерү мәсьәләләре турында фикер алыштылар

Бүген Татарстан Республикасы Президенты Рөстәм Миңнеханов Россия Федерациясе Мәдәният министры Владимир Мединский белән очрашты. Чара Татарстан Республикасы Хөкүмәте Йортында узды.

Искәртәбез, бүген Владимир Мединский, ЮНЕСКО Генераль директоры Ирина Бокова һәм Татарстан Республикасы Дәүләт Киңәшчесе Минтимер Шәймиев белән бергә, Свияжск утрау-шәһәрендә булдылар. Аерым алганда,  Россия Мәдәният министры июль аенда ЮНЕСКО Бөтендөнья мирасы исемлегенә кертелгән Успенья соборын карады.

  


Татарстан Президенты «Ворлдскиллс Россия» берлеге генераль директоры Роберт Уразов белән очрашты

Бүген Татарстан Республикасы Президенты Рөстәм Миңнеханов «Ворлдскиллс Россия» берлеге генераль директоры Роберт Уразов белән очрашты. Очрашу ТР Хөкүмәте Йортында узды. Әңгәмә барышында яклар Россия төбәкләрендә, аерым алганда Татарстанда, Ворлдскиллс хәрәкәтен алга этәрү мәсьәләләре турында сөйләштеләр. Рөстәм Миңнеханов Татарстан Республикасында ресурс үзәкләрне үстерү һәм республика предприятиеләре белән ныклы элемтә аша яшьләр арасында эшче һөнәрләре абруен арттыру өлкәсендәге тәҗрибә турында хәбәр итте. Моннан тыш, Ворлдскиллс стандартларын мәгариф системасына кертү максатыннан Татарстанда Профессиональ компетенцияләр үзәге булдырылды. 


«Иннополис» МИЗ Күзәтүчеләр советы 14 компания проектларын хуплады

Бүген Татарстан Республикасы Президенты Рөстәм Миңнеханов  «Иннополис» МИЗ Күзәтүчеләр советының быелгы икенче утырышын уздырды.   

Чара Татарстан Республикасы Хөкүмәте Йортында узды. 

ИТ-компанияләрнең инвестицияләренең  гомуми күләме 2 млрд. сум булган 14 яңа проекты каралды һәм хупланды, шулар арасында Россия һәм чит илләр компанияләренең зур булмаган проектлары да, эре проектлары да бар


Рөстәм Миңнеханов Татарстан Республикасында алкоголь һәм спирт продукциясе әйләнеше өлкәсендә вәзгыятьне күзәтчелек итү буенча совет утырышын уздырды

Бүген Татарстан Республикасы Президенты Рөстәм Миңнеханов республикада 2017 елның беренче ярты еллыгында алкоголь һәм спирт продукциясе әйләнеше өлкәсендә вәзгыятьне күзәтчелек итү буенча Совет утырышын уздырды. Чара ТР Хөкүмәте Йортында үтте. Аның эшендә шулай ук ТР Премьер-министры Алексей Песошин, ТР Президенты Аппараты җитәкчесе Әсгать Сәфәров, республика министрлыкларв һәм ведомстволары вәкилләре катнашты.


Рөстәм Миңнеханов Вьетнамның Екатеринбургтагы Генконсулы Ву Зуй Мынг белән очрашты

Бүген Татарстан Республикасы Президенты Рөстәм Миңнеханов Вьетнам Социалистик Республикасының Екатеринбургтагы Генераль консулы Ву Зуй Мынг белән очрашты.   

Очрашу Татарстан Республикасы Хөкүмәте Йортында узды.


Татарстан Республикасы авыл хуҗалыгы һәм азык-төлек министры Марат Әхмәтов: Татарстан амбарларына 2,15 млн. тонна бөртекле ашлык салынган, уңыш югары саклана – 36,6 ц/га

Татарстан амбарларына 2,15 млн. тонна бөртекле ашлык салынган, уңыш югары саклана – 36,6 ц/га, бу 2016 ел уңышы белән чагыштырганда 9 ц/га артык.

Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов хәбәр итте. 

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры  Алексей Песошин да катнашты.


Татарстанда 1 409,9 мең кв. м., ягъни планның 58,7%ы торак гамәлгә кертелгән

Татарстан Республикасында 2017 ел башланганнан бирле Дәүләт төзелеш күзәтчелеге инспекциясе һәм Татарстан Республикасы Дәүләт хезмәт инспекциясе тарафыннан 1 мең 79 тикшерү уздырылган. «Татарстан Республикасы төзүчеләре бергәлеге» үзлегеннән җайга салынучы оешмасы тарафыннан оешманың 907 әгъзасына тикшерү уздырылган.

Бүген бу хакта Татарстан Республикасы Хөкүмәте Йортында уздырылган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. 

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры  Алексей Песошин да катнашты.